خلطت ساوردو سهلة للمبتدئين • هذي نفس الخميرة اللي سويتها في الفيديو اللي قبل. • المكونات: دقيق 350g موية 230ml خميرة طبيعية 70g ملح 7g • اولا، نخلط الموية و الملح و الخميرة . بعدين نحط الدقيق و نبدأ نعجن لمدة 8-10 دقايق او لغاية ما تكون ماسكة نفسها و ناعمه من فوق. نغطيها و نخليها ترتاح نص ساعة. . ثانيا، حنطبقها كل نص ساعة بس ثالث و اخر تطبيقة نطلعها برة و نطبقها على بعضها و نسوي كورة و تكون ناعمه من فوق. الخطوات هذي ضرورية عشان الجلوتين يصير قوي. نغطيها و نخليها تقريبا ساعتين او لما تكبر50%. • ثالثا، نفردها على الطاولة و تكون الطبقة اللي فوق على سطح الطاولة. نطبق ناحية فوق الثانية و نفردها ثاني مرة و نلفها على بعضها و بعدين نغطيها و نخليها ربع ساعة ترتاح. بعد الراحة، نشكلها. في طرق كثيرة بس انا اسويها زي الفيديو بس اهم شي انو الطبقة اللي فوق تكون قوية و ماسكة نفسها. نقفل الفتحات من تحت. بعدين نحطها في السلة مقلوبة و نغطيها جوا كيس بلاستيك و نخليها في الثلاجة لغاية اليوم اللي بعده او على الاقل 8 ساعات. ممكن برضو تنخبز بعد يومين. • رابعا، نسخن الدتش أوفين على 230° لمدة ساعة. نطلع العجينة من الثلاجة و نرميها على ورق خبز. نسوي فتحة من فوق. نحطها في الدتش اوفين و نبخ موية و نقفل عليها بسرعة عشان البخار ما يهرب. نحطها في الفرن لمدة 20 دقيقة. بعد 20 دقيقة، نطلع الخبز من الدتش اوفين و نرجعه يتحمص لمدة 15-20 دقيقة على حسب الذوق. • لما يطلع، لازم نخليه يرتاح على على الااقل ساعتين قبل التقطيع. • انجوي • #sourdough #خميرة_طبيعية #ساوردو #خبز #sourdoughbread #baking - @zen.sourdough