القصه طويله لكن حلوه😍 بنت خالي اصغر مني ب 5سنه كنا صغار شديد وأصحاب وقراب من بعض لدرجة إنو تقريباً كل اليوم بنقضيهو سوا انا كنت عمري 15 وهي 10 سنه المهم عايشين طفولتنا مع بعض وقضينا كل أوقاتنا سوا وشايفين الموضوع عادي يعني ومبسوطين بالحياة شديد ومرت الايام والشهور وكبرنا شويه انا بقيت 18 وهي 13 ومن هنا القصه بدت انا كنت ساكن في بيتنا وهي بتجيني هناك بعد كل يوم أو يومين بس هنا الموضوع ح يتغير و ح نسكن سوا ايوة ي جماعة ح نسكن في بيت واحد❤️ اقسم بالله اليوم داك كنت طاير من الفرحة 😅المهم كنت ساكن في بيتنا وطبعاً هم بيتهم داخل بيت ناس حبوبة المهم خالي الأصغر من ابوها كان مسافر وقال لي انا ح اسافر وانت تجي تسكن مع حبوبتك وخالتك لأنو براهم قلت ليهو تمام ح اسكن معاهم وانا من جوة كنت طاير من الفرحة 😂لأنو ح اسكن معاها في بيت واحد 🧡المهم اليوم داك جاتنا في البيت كنت عايز اعملها ليها نظام مفاجأة وكدة بس م قدرت ادس الموضوع ووريتها وهي فرحت شديد بس خجولة شويه قالت لي يعني تاني م ح اتعب واجيك لي هنا واتونسنا شويه كدة ونادتها امي واليوم التاني طبعاً طوالي رحلت ليهم بس الموضوع كان غريب شويه بالنسبه لي لأنو اول مرة انوم برة البيت بس اتخيلو جات صحتتي من الصباح 🥰قالت لي قوم اشرب الشاي ي كسول وانا طبعاً اكتر يوم اصحى فيهو مبسوط للدرجة دي🩷 المهم قمنا وشربنا الشاي كلنا سوا مع حبوبة وقضينا اليوم كلو مع بعض كان يوم حلو شديد ومرت الايام والشهور وكبرنا تاني سنتين مع بعض وكانت احلى سنتين في حياتي او حياتنا وجات 2022 وسائت الظروف😔 وإتغيرت الأحوال واتضريت إني اسافر كنت ح اسافر الخرطوم اصلاً نحن من الجزيرة المهم قلت اوريها قبل اسافر بيوم وفعلاً ناديتها واول حاجة إعترفت ليها بحبي ليها 🥹وقلت ليها عايزك لقدام وتكوني لي ست بيت وهي فرحت شديد 😍وبادلتني نفس الشعور وقالت لي وانا كمان من زمان بحبك بس نوري ناس البيت قلت ليها ح نوريهم بس بعد يجي الوقت المناسب المهم قعدت معاها زمن طويل وعشنا لحظات حلوة😚 وقلت افتح ليها موضوع السفر وفعلا وريتها وهي م إتقبلت الفكرة 😥بقيت قاعد اقنع فيها وفجأة دموعها جرت 😭وإترمت في حضني قعدت تبكي كنت خايف إنو يشوفنا زول من ناس البيت بس بدون م أشعر حضنتها 💝وكانت اول مرة احضنها الصراحة قربت ابكي معاها😂 المهم راضيتها وقلت ليها بس 3 شهور م ح ازيدها واخيراً وافقت واتونسنا احلى ونسه وقلت ليها ح امشي انوم لأنو م ظريفه نتونس برانا في زمن متأخر الساعة كانت 8 المساء قالت لي تمام ح اجي اودعك الصباح ومشيت اتمددت في السرير بس م قدرت انوم الليل كلو كنت بفكر واتخيل فيها وفي مستقبلنا 🥺المهم نمت وقمت الصباح شربت الشاي مع ناس حبوبة وهي كانت في بيتهم وجات في النهايه قمت ودعتهم كلهم من ضمنهم هي سلمت عليها سلام عادي بس بعد طلعت لحقتني برة قبل م تتكلم قلت ليها م قدرت احضنك قدام الناس ضحكت وقالت لي بحق ليك تحضني في اي وقت وقدام ااي زول وانا هنا كرعيني بردن طبعاً😂😂 المهم قمت حضنتها وودعتها وإتفارقنا علي كدة 😔 ومرت الايام والشهور انا وعدتها علي 3 شهور بس مرت 6 وانا م اتصلت ليها ولا سمعت صوتها لأنو كان م عندها تلفون مرة اتصلت لأبوها وسلمت عليهم كلهم بحِجة إنو الاقيها وفعلاً لاقيتها وسلمت عليها بس حسيت صوتها تعبان شويه وما قدرت اسألها قدام ابوها المهم ال 6 شهور مرت بعدها 4 شهور وشوقي ليها زاد اكتر غررت إنو ارجع البلد ورجعت كان قبل الحرب بشهرين يعني شهر 1 في 2023 المهم لاقيتها وسلمت عليها واعتذرت ليها بحِجة الظروف وكدة لأنو م افيت بوعدي وجيت في 3 شهور والحمدلله اتقبلت عزري وللأسف عدينا فترة الحرب بعيدين عن بعض وانا رحلت بيتنا وما قاعدين نتلاقى كتير يعني كانت فترة سيئه جداً بالنسبه لينا كنا بنتلاقى في الأسبوع مرة واحدة ومرات لا المهم مرت 6 شهور تاني وانا في البلد وعلاقتنا أحسنت شويه وتاني اضطريت إنو اسافر برة السودان في شهر 7 في عز الحرب انا طلعت من السودان وما وريتها حتى! وحالياً الحمدلله سافرت واموري ظبطت الحمدلله بس مرت سنه كامله وانا م لاقيتها ولا سمعت صوتها حتى! بس بعد تتحسن الشبكة في البلد شويه ح اتواصل معاها واعتذر ليها واكلم ابوها بالموضوع واكلم ناس البيت يمشو يخطبوها لي 🙈🤍 وبعد انزل السودان ح أعقد عليها وتبقى حلالي🥰🤎 بإذن الله حِبو ي جَماعة حِبو الحب سمح واخيراً ربنا قال دعوة 40 مستجابة ادعو لينا إنو ربنا يجمعنا ويتم لينا علي خير وربنا يجمع كل محِب بحبيبهِ يارب🤲🥰 - @esra_mustafa6