#pov : crush mo si jeo na ka-team mo sa dance troupe. 10 — “Pupuntahan kita after practice, may gusto kang pagkain?” tanong ni Jeo sa kabilang linya. Weekends ngayon at dapat ay may training kami para sa routine naming dalawa pero hindi ko talaga kayang sumayaw dahil sa lintik na dysmenorrhea na ‘to. Halos hindi na ako makabangon dahil, letche! Masakit talaga ang puson ko! “Nagpaalam ka ba kay Tito na pupunta ka rito?” tanong ko habang nakabalot ng kumot ang buong katawan ko at hawak-hawak ang isang hot compress na nakapatong sa puson ko. “Oo naman, nagpaalam na rin ako na-” naputol ang sinasabi niya nang biglang tumugtog ang malakas na musika sa buong hall. “Message mo sa’kin kung anong gusto mo, practice na raw, eh. Pupuntahan kita mamaya, saglit na lang ‘to.” mabilis at malakas niyang sabi sabay pinatay ang tawag. Binaba ko ang phone na hawak ko tsaka tumitig sa kisame. Jeo, gulong-gulo na ‘ko. Gustong-gusto kita at hindi ko maiwasang isipin na gusto mo rin ako dahil sa mga ginagawa mo. Kung paano mo alam na paborito ko ang peach mango pie, na ayaw ko ng malamig na pagkain dahil lagi kong ginagamit ang microwave sa dance hall tuwing kakain, kung paanong ikaw palagi ang nagbabayad tuwing niyayaya mo ‘kong kumain. Normal lang ba ‘yon sa magkaibigan? Ikaw lang kasi ang lalaking kaibigan na ganito kalapit sa akin, pwera kay Miko, syempre. Sa’yo lang naman ako pumapayag na gawin lahat ‘to dahil gustong-gusto kita. — Nagising ako na sobrang tindi ng sikat ng araw sa bintana ko, pagtingin ko sa orasan ay alas tres na ng hapon. Gutom na ako. Pinilit kong bumaba sa hagdan kahit namimilipit pa rin ako sa sakit ng puson ko. Oo nga pala, hindi ako nakakain, dapat ay iinom ako ng gamot. Late na at mapapagalitan ako ni Tito nito. Napailing na lang ako. Habang iniinit ko ang pagkain galing sa ref ay narinig kong may tumatawag sa gate, ang aga pa ah? Paglabas ko ay nandoon na si Jeo gamit ang motor niya. Malaking-malaki ang ngiti nito kahit pa natatakpan ng helmet ang bibig niya, umaabot ang ngiting ‘yon sa mata niya. Lumapit ako para buksan ang gate at natawa ako nang bahagya nang makita ang dalawang paper bag na bitbit niya. “Ayos ka naman dito?” tanong niya nang makababa sa motor, tumango lang ako at sinundan na siya papasok. Talagang siya pa ang nauna sa’kin. “Ngayon ka pa lang kakain?” tanong niya nang tumunog ang microwave. Tumango ako ulit, halos kahit magsalita ay nakakaubos ng enerhiya ngayon. Masyadong sinisipsip ng hormones ko ang lakas ko. “Umupo ka na, ang dami kong dala.” malaki ang ngiti niya habang nilalabas ang mga dala niya sa paper bag. Una kong nakita ang ilang dark chocolates at chobani greek yogurt na mango flavor! “Favorite ko ‘to!” masaya kong sambit tsaka kinuha ang yogurt, halos yakapin ko na ‘yun sa sobrang saya! AAAA! Natatawa lang siya sa’kin habang nilalabas pa ang dala niya, may almonds at chocolate drink pa na natira. “Bakit puro sweets!” sambit ko nang makita ‘yon lahat. Natawa siya. “Wait lang kasi,” nang buksan niya ang isang paper bag ay nagulat ako ng maglabas siya ng spaghetti pasta at linguine, may mga gulay pa at lean meat. “Ano ‘yan?” nakakunot ang mukha ko sa kaniya. “Lutuan kita ng ramen, ‘di maganda ‘yung instant noodles, eh.” lumambot ang eskpresyon sa mukha ko, natawa pa siya lalo. Kainis! Bakit ka ba ganito, Jeo! Iisipin ko mahal mo na’ko! — continuation on com sec. 🫰 #fyp #jeoongau #jeoongedits #jeremiahemmanuelong - @aliii_verse