මම දැක්කා සමාජ මාධ්‍යයේ, මේ දරුවා ගැන නොයෙක් දෙනෙක්, කතා ගොඩක් කියල තිබුණා. ඒත් මම විශ්වාස කරනවා, ඒ දරුවත් එක්ක වෙලාව අරගෙන, එයාගේ මට්ටමෙන් කතාබහ කරලා, එයාව කවුරුත් තේරුම් අරගෙන නැහැ කියලා.. භාෂාවේ ප්‍රශ්නෙ ඒකට හේතුවක් වෙන්න ඇති. අපි ඉංග්‍රීසියෙන් කතා කරා. එයා ආස කරන Astronomy, Physics, Religion, Philosophy, Bible, God, Buddhism.. මේ හැමදේම ගැන පොඩ්ඩ පොඩ්ඩ කතා කරා. ඒ සම්බන්ධව දරුවාගේ දැනුම මම අධ්‍යනය කරා. හොඳ දැනුමක් තියෙන බව මට වැටහුනා. සමහර දේවල් ගැන පොඩි පොඩි misunderstandings තිබුණා. ඒවත් මම නිවැරදි කරලා දුන්නා. මේ දරුවට කිසිම ලෙඩක් නෑ! තාක්ෂණය තුළින්, ලෝකයක් දැකලා, එයා ආස කරන දේවල් එයා ළඟා කරගෙන, ඒවාපුරුදු වෙලා, එයාම හදාගෙන. එයා කියන විදිහට සිංහල අමතක වුනා නෙමෙයි, යම් තැනකට පස්සේ එයාගේ ඉංග්‍රීසි develop කරාට සිංහල development එක එතනම නතර උනාලු. ඒ කෙසේ වෙතත්, තමන්ගේ උත්සාහයෙන් භාෂාවක් මේ තරම් අපූරුවට ලියන්න, කියවන්න වගේම, තමන් කැමති කරන accent එකෙන් කතා කරන්නත් පුරුදු වෙන එක විශිෂ්ට දක්ෂතාවයක්. එහෙම ආසාවක් සහ දක්ෂතාවයක් තියෙන දරුවන්ට අපි උදව් කර යුතුයි. මම මේ පුතාට පැහැදිලි කරපු දෙයක් තමයි , එයා ආස විෂයයන් විතරක් ඉගෙනගෙන බැහැ කියලා. ජීවිතේට අවශ්‍යය තවත් විෂයයන් තියෙනවා. Maths එක උදාහරණයක්. ඒ subject එක මට නැතිවුනා නම් අද මමත් මෙතන නෑ. ඒ දේවල්වල වැදගත්කම මම පැහැදිලි කරා. ඉංග්‍රීසියෙන් ඒ ඕන දෙයක් ඉගෙන ගන්න ලෑස්ති බව, එයා මට පොරොන්දු වුණා. එම අවස්ථාව එයාට හදලා දෙන්න, මමත් ඔහුට පොරොන්දු වුණා. Sakiya මල්ලි සහ Sudaa අයිය මේ දරුවාගේ අවශ්‍යතාවය රටට ලෝකෙට පෙන්නලා ලබාදුන්න අවධානය නිසයි මමත් මේ ගැන දැනුවත් උනේ. ඒකට ඔයාලා දෙන්නටම මම ස්තූති කරනවා. එහෙනම්, මේ දක්ෂ දරුවට අවශ්‍ය පසුබිම හදන්න මම භාරගත්තා. ඒ ගැන වැඩි විස්තර මම ඉදිරියේදී ඔයාලත් එක්ක share කරන්නම්. මේ දරුවා ඉහලටම ඉගෙනගෙන ලොකු තැනකට යනකං මට පුළුවන් උපරිම දේ කරනවා ❤️🙏🏼🇱🇰 - @sajeevrajaputhra