អំពី ព្រះរាជដំណាក់ទក្សិណភារម្យ ទីព្រះរាជសម្ភពនៃព្រះបិតាឯករាជ្យជាតិ នរោត្តម សីហនុ ព្រះបរមរតនកោដ្ឋ ព្រះរាជដំណាក់ទក្សិណ គឺជាទីកន្លែងប្រកបដោយអនុស្សវរិ៍យនៃព្រះករុណា ព្រះបរមរតនកោដ្ឋ និងព្រះរាជបិតា-មាតាគឺ ព្រះករុណាព្រះបាទ សម្តេចព្រះ នរោត្តម សុរាម្រឹត (ព្រះមហាកាញ្ចនកោដ្ឋ) និងសម្តេចព្រះមហាក្សត្រិយានី ស៊ីសុវត្ថិមុនីវង្ស កុសុម នារីរតន៍ សិរីវឌ្ឍនា និងជាទីស្នាក់នៅរៀនសូត្ររបស់ព្រះរាជបុត្រា បុត្រី នៃព្រះបរមរតនកោដ្ឋ ក្នុងនោះក៏មានសម្តេចព្រះរៀម នរោត្តម បុប្ផាទេវី ដែរដែលលោកគង់ជាមួយព្រះ អយ្យិកា អយ្យិកោ រៀនរបាំព្រះរាជទ្រព្យ ។ ក្នុងរជ្ឋកាលព្រះករុណា ព្រះបាទសម្តេចព្រះស៊ីសុវត្ថិ មុនីវង្ស (ព្រះខត្តិយកោដ្ឋ) សម្តេចតានៃយើង និងមាតាបិតា ស្តេចគង់ប្រថាប់នៅព្រះរាជដំណាក់នេះ រហូតដល់ ស្តេចឡើងសោយរាជ្យសម្បត្តិ ព្រះអង្គក៏យាងគង់នៅប្រាសាទខេមរិន្ទនាព្រះបរមរាជវាំង វិញតាមបវេណីជាតិ ។ក្រោយមានរដ្ឋប្រហារឆ្នាំ១៩៧០ រដ្ឋាភិបាលលោក លន់ ណុល បានបិទព្រះរាជវាំង ដោយពួកគេមិនហ៊ានប៉ះពាល់ព្រះចេស្តានៃសម្តេចព្រះមហាក្សត្រិយានីឡើយ ដោយពួកគេបានយាងព្រះមហាក្សត្រីយានី ព្រះមាតាជាតិ មកគង់នៅព្រះរាជដំណាក់ចាស់ទក្សិណនេះវិញ ក្រោយស្តេចយាងទៅព្យាបាលព្រះរោគ និងសោយព្រះពិរាល័យ នៅប្រទេសចិន ។ គ្រាបានសុខសាន្តវិញ ក្នុងឆ្នាំ១៩៩៣ ព្រះបរមរតនកោដ្ឋ លោកបានប្រទានព្រះរាជដំណាក់ទក្សិណនេះ មកឲ្យរដ្ឋាភិបាលកូរ៉េខាងជើងធ្វើជាស្ថានទូតប្រចាំនៅកម្ពុជា និងបច្ចុប្បន្ន ព្រះករុណាជាអម្ចាស់ជីវិតលើត្បូង ស្តេចប្រោសព្រះរាជទាន ព្រះរាជដំណាក់នេះរួមទាំងព្រះរាជដំណាក់ព្កុល ជូនរាជរដ្ឋាភិបាល ដើម្បីធ្វើជាសារមន្ទីរជាតិ រក្សាជាបេតិកភណ្ឌជាតិតទៅ ៕ - @silang8888