@hanaadil3790: مرات بتتكسّر فيك حاجات ما لأنك غلطت لكن لأنك كنت نضيف زيادة عن اللزوم.🥹 بتترفض مش عشان فيك عيب لا والله بتترفض عشان مميزاتك الكتيرة البتخلي البعض يحس إنك كتير عليهم 🌺 الناس ما دائماً بتعرف تتعامل مع الصدق ولا بتستوعب الطيبة الحقيقية البتجي من قلب ما عنده غرض.✨ والحقيقة أنهُ ما كل زول ربنا أداهُ قلب زيك😇 ولا كل زول اتعوّد يشوف المحبة الصافية اللي ما فيها تمثيل ولا مصلحة. مرات محبتك بتكون أكتر من اللازم بتفيض على الطرف التاني لدرجة يخاف منها 🤐 يمكن يحس إنو ما قادر يبادلك نفس القدر من الإحساس يقوم بدل ما يعترف بعجزهُ يختار يبعد ويقولوا ليك ما حصل نصيب أو ما اتفاهمنا 🥲 لكن الحقيقة؟ إنك كنت أصدق من اللازم وهو ما قدر يستوعب الصدق دا وفي اللحظة دي بالذات. يقوموا يفتكروا انه دي مبالغة أو تعلّق زيادة لكن في الحقيقة إنت ما غلطان😉 إنت بس مختلف وربنا زرع فيك مشاعر نادرة محبة حقيقية ما فيها غرض وعطاء ما منتظر مقابل. وبرضو وارد تكون أديت فوق طاقتهُ حب واهتمام ودعم أكتر من الحصل عليه في حياته كلها. فبدل ما يشكرك خاف منك خاف من الإحساس الجديد البتقدمو ليه.❤️‍🩹 الناس مرات بتخاف من الحب الحقيقي من الشخص البينظر ليهم بعين ما بتشبه العيون التانية. عشان كدا… ما تلوم نفسك🫡 وما تظن إنك السبب في كل مرة العلاقة ما بتكمل. الصدق البجري في دمك والنية البتنبت فيك خير والحنية البتغمر الناس دي ما نقمة دي نعمة 🥹 بس محتاجة ناس قلوبهم زي قلبك😊 خلي يقينك بالله كبير . لأنو الزول البيرفضك اليوم عشان طيبتك حيجي يوم و تُختار عشان نفس الطيبة دي ❤️ #أبسط_حاجة_أكبر_فرحة💙 #خوطر_للعقول_الراقيه❤ #الخير_في_كل_تفصيل_صغير🌸 #خواطر_سودانيه🇸🇩🔥 #كلام_يفتح_النفس✨