@sopheakfn: BREAKING: ក្រសួងការពារជាតិ ចេញសេចក្ដីប្រកាសព័ត៌មាន បញ្ជាក់អំពីស្ថានភាពដែលទាហានថៃ បាញ់ប្រហារបណ្ដាលឲ្យជនស៉ីវិលកម្ពុជា៥នាក់រងរបួស នៅភូមិព្រៃចាន់ (ភ្នំពេញ)៖ លោកឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា នៅល្ងាចថ្ងៃទី១២ ខែវិច្ឆិកា ឆ្នាំ២០២៥នេះ បានចេញមកបញ្ជាក់ថា វេលាម៉ោងប្រមាណ១៥៖៥០នាទី យោធាថៃបានបើកការបាញ់ប្រហារមកលើប្រជាពលរដ្ឋខ្មែរ នៅក្នុងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលយោងតាមព័ត៌មានបឋមពីអាជ្ញាធរមូលដ្ឋាន ករណីនេះបង្កការរបួសជនស៊ីវិលចំនួន៥រូប។ ការបើកការវាយប្រហារនេះ ធ្វើឡើងបន្ទាប់ពីយោធាថៃ បានធ្វើសកម្មភាពបង្កហេតុជាច្រើន រាប់មិនអស់ច្រើនថ្ងៃមកហើយ ក្នុងចេតនាញុះញង់ដើម្បីនាំដល់ការប៉ះទង្គិចគ្នា។ ក្រសួងការពារជាតិ នៃព្រះរាជាណាចក្រកម្ពុជា សូមប្រកាសថ្កោលទោសយ៉ាងដាច់អហង្ការចំពោះទង្វើអមនុស្សធម៌ ដ៏សាហាវឃោរឃៅនេះ ហើយនេះបង្ហាញយ៉ាងច្បាស់ កាលដែលភាគីថៃបានរំលោភបំពានលើ «សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជា និងថៃ» ដែលភាគីទាំងពីរបានចុះហត្ថលេខាកាលពីថ្ងៃទី២៦ ខែតុលា ឆ្នាំ២០២៥ ដែលចុះហត្ថលេខា ដោយនាយករដ្ឋមន្ត្រីនៃប្រទេសកម្ពុជា និងថៃ ក្រោមសាក្សីរបស់លោក ដូណាល់ ត្រាំ ប្រធានាធិបតីសហរដ្ឋអាម៉េរិក និងលោក អាន់វ៉ា អ៊ីប្រាហ៊ីម នាយករដ្ឋមន្ត្រីម៉ាឡេស៊ី និងជាប្រធានអាស៊ាន។ ក្នុងន័យនេះ កម្ពុជាសូមអំពាវនាវឱ្យសហគមន៍អន្តរជាតិថ្កោលទោសយ៉ាងម៉ឺងម៉ាត់ ចំពោះការរំលោភបំពានសេចក្តីថ្លែងការណ៍រួម ស្តីពីកិច្ចព្រមព្រៀងសន្តិភាពរវាងកម្ពុជា និងថៃ និងសកម្មភាពខុសច្បាប់របស់ថៃ ម្តងហើយម្តងទៀតនេះ ដោយទាមទារឱ្យថៃទទួលខុសត្រូវទាំងស្រុងចំពោះការរំលោភបំពានដ៏កំរោលនេះ។ កម្ពុជាអំពាវនាវឱ្យថៃបញ្ឈប់រាល់អរិភាពជាបន្ទាន់ ដែលគំរាមកំហែងដល់សន្តិភាព និងស្ថិរភាពនៅក្នុងតំបន់។ ទន្ទឹមនឹងនេះ កម្ពុជាអំពាវនាវឱ្យភាគីថៃងាកមកគោរពកិច្ចព្រម ព្រៀមបទឈប់បាញ់ សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាព និងកាតព្វកិច្ចទាំងឡាយនៅក្រោមច្បាប់អន្តរជាតិឱ្យបានម៉ឺងម៉ាត់ ស្មោះត្រង់ និងដោយសុច្ឆន្ទៈពិតប្រាកដ។ កម្ពុជាប្តេជ្ញាចិត្តយ៉ាងម៉ឺងម៉ាត់ក្នុងការគោរព និងអនុវត្តតាមលក្ខខណ្ឌនៃបទឈប់បាញ់ សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាពរវាងកម្ពុជានិងថៃ ព្រមទាំងកិច្ចព្រមព្រៀងទាំងឡាយ ដែលភាគីទាំងពីរសម្រេចបានកន្លងមក ប្រកបដោយសុច្ឆន្ទៈ និងការទទួលខុសត្រូវខ្ពស់បំផុត។ កម្ពុជាប្រកាន់ខ្ជាប់នូវការដោះស្រាយជម្លោះដោយសន្តិវិធី ស្របតាមច្បាប់អន្តរជាតិ ក៏ដូចជាសន្ធិសញ្ញា អនុសញ្ញា និងកិច្ចព្រមព្រៀងដែលមានស្រាប់ ហើយប្រឆាំងនឹងការគំរាម ឬការប្រើប្រាស់កម្លាំង សំដៅស្វែងរកដំណោះស្រាយមួយដែលយុត្តធម៌ ត្រឹមត្រូវ យូរអង្វែង និងស្របតាមច្បាប់អន្តរជាតិ៕
SopheakFN
Region: KH
Wednesday 12 November 2025 10:35:44 GMT
Music
Download
Comments
Nann Vina :
ចាំមើលហានបាញ់តមួយគេវិញអត់រឺចាំគេបាញ់រហូត
2025-11-12 10:49:15
20
Janzzy :
អរគុណសន្តិភាព
2025-11-12 10:41:56
9
🇨🇳Jiang Ji An (ពូ បុត្រ)🇰🇭 :
លទ្ធផលរាជរដ្ឋាភិបាលមិនហ៊ានប្តឹងថៃទៅតុលាការអន្តរជាតិICJ👌
2025-11-12 12:09:18
4
♥️កម្ពុជា♥️ :
ស្លាប់២នាក់ហើយ
2025-11-12 12:35:48
1
Nai Ngoun :
សូមអោយអ្នកភូមិព្រៃចាន់ សុខសប្បាយផង🙏🙏🙏
2025-11-12 11:32:47
2
โสเจีย สัน :
ប្រជាជនខ្ងុំអើយហេតុអ្វីកំសត់ម្លេស
2025-11-12 11:40:53
1
Richi :
Thailand opens fire on Cambodia
2025-11-12 10:57:24
8
បងចាំមើរអូនរហូត ទាលតែអូន ស្លាប :
ថ្ងៃ12ខែ11ឆ្នាំ2025ថ្មីៗនិងមេន
2025-11-12 12:41:10
2
យន វណ្ណា រី :
ទោះខ្មែរស្លាប់៥នាក់ក៏ថ្នាក់ដឹកនាំមិនហានតដៃដែរ
2025-11-12 11:53:42
7
ភូមិ យើង :
សូមព្រះជួយបងប្អូនយើងផងចុះ🙏🙏🙏
2025-11-12 12:26:02
2
លាភ ហេង :
សូមទេវតាជួយកម្ពុជាខ្ញុំផងនឹងកងទ័ពកម្ពុជាខ្ញុំផង😭😭😭😭😭
2025-11-12 11:19:35
2
Anna Dek :
ចាំមើលហានបាញ់តមួយគេវិញអត់រឺចាំគេបាញ់រហូត
2025-11-12 11:51:04
1
ម៉ានី នាថ♥️🌷 :
2025-11-12 11:45:42
1
រត្ន័វណ្ណះ :
សូមទេវតាជួយថែរក្សាផង។
2025-11-12 12:48:48
1
Mana Ly :
wish everything better 🙏🏼
2025-11-12 14:52:53
0
Som Rith95 :
Cambodia needs peace
2025-11-12 15:13:52
0
Golden<3🍀 :
And now 1 civilian dead and 3 injured
2025-11-12 12:53:13
0
Theary :
សូមទេវតាជួយថែរក្សាពួកគាត់😭😭😭🙏🙏🙏
2025-11-12 13:20:29
0
シオン :
ប្រជាជនខ្ញុំអើយកំសត់ពេកហើយ
2025-11-12 13:08:46
1
Navy :
បងប្អូនអើយរងទុកលំបាកទៀតហើយសូមថែរក្សាខ្លួនឲមានសុវត្តិភាព🇰🇭😔
2025-11-12 14:24:10
0
شسچکگ :
ប្រយ័ត្នពលដ្ឋខ្មែរ
2025-11-12 14:26:51
0
Hab Phalla :
ភាវនា ព្រះធម៌ផង ៗៗ
2025-11-12 12:34:02
0
នារី អង្គរវត្ត :
បងហត់នឿយហើយ
2025-11-12 14:05:38
0
oun Lyta 😍😍 :
ខ្លាចពេកគេជាន់ហើយ😢
2025-11-12 14:41:09
0
nana 🇰🇭😽 :
2025-11-12 11:48:53
0
To see more videos from user @sopheakfn, please go to the Tikwm
homepage.