كان أول حبّ بحياتي وأصدق مشاعر عرفها قلبي حبّه كان شي مختلف ما يشبه أحد ولا حسّيت مثله أبد كنت أحسّه قدري الشخص اللي ربي أرسله عشان يغيّر كل شي فيني كنت مستعدة أفضي له عمري أضحي بأي شي عشانه يكفيني يكون بخير ويكفيني إنه يحبني مثل ما أحبه كان يفهمني بدون كلام يعرف وجعي ، يقرأ صمتي كأنه كتاب مفتوح له كنت أحس بالأمان معه أضحك وأنا مطمّنة أتكلم وأنا عارفة إن حتى لو أخطيت بيطيب خاطري بكلمة منه كنت أعيش على صوته وأنتظر رسالته كأنها حياة جديدة كنت أظنّه خلاص بيبقى ما تخيلت يوم يكون غريب بعد ما كان أقرب من نفسي مرت شهور على فُراقنا بس والله كأنه أمس ما نسيت له شي لا طريقته ولا ضحكته ولا حتى نبرته لما يقول اسمي كل لحظة تمر تذكرني فيه وكل شي بسيط حولي كأنه يحنّ ليوم كنا مع بعض كنت دايم أخاف من فكرة إنه يبعد وكنت أضحك على خوفي وأقول لا مستحيل بس صار اللي ما توقعته راح وخلاني أعيش وجع ما يشبه شي ما عاد صرت أنا بعده صرت نسخة ساكته من نفسي كل شي فيني متعلّق فيه ومو قادرة أقطع هالحنين اللي يسكنني كل يوم يمكن نسى يمكن حياته مشّت بس أنا ما نسيت ولا أقدر أنسى لأنه كان أول حبّ بحياتي وأعظم حبّ عشته والوحيد اللي فعلاً حسّيت معه بمعنى الغرام يمكن الناس يقولون الوقت كفيل بكل شي بس الوقت مرّ وما خفف الوجع ولا قلّ الشوق بالعكس كل ما طوّل الغياب زاد فيني حنينه وصرت أشتاق له بدون ما أبي أحس أشتاق له وقت المطر وقت السكون وقت الزحمه حتى وأنا أضحك بين الناس دايم في شي ناقصني هو يمكن أحيان أتظاهر بالقوه وأقول عادي بس بيني وبين نفسي والله إني مكسوره مكسوره كسر ما ينشاف ولا يتصلّح كل الأوقات الي تكلمنا فيها صارت تؤلمني حتى صوته بذاكرتي يوجعني كنت أتخيله دايم جنبي وقت التعب وقت الزعل وقت الفرحة كنت أتخيله أول شخص أشاركه كل شي بس الحين صرت أعيش كل لحظة لوحدي وأتظاهر إنها عادي بس مافيني عادي من بعده أذكر كيف كنت أنام، مرتاحه، وكيف كانت الدنيا سهله بوجوده واليوم صارت كل تفاصيلها ثقيله بدونه صرت أخاف من الليل لأنه يذكرني فيه وأخاف من الصبح لأنه يمرّ علي بدونه صرت أكره فكرة إن الحياة تمشي وهو مو معي يمكن هو نسى يمكن ما بقى له حتى ذكرى بس أنا باقي على نفس حبي له باقي أتذكره بكل لحظة تمر كأنه توه راحل يمكن أضعف أحيان وأرجع وأشوف صورته بس ما أقدر أمسحها ولا أقدر أنساه لأنه مو مجرد حب مرّ، هو مرحلة من عمري كلها، هو الشعور اللي علّمني وش يعني أعيش بصدق ووَش يعني أتألم بصمت هو الحُب اللي علّق قلبي بين الدعاء والنسيان، بين الرجاء والخذلان هو الشي الوحيد اللي كل ما حاولت أكرهه، زاد حنيني له أكثر والله لو يرجع الزمن ما كنت اخترت أحد غيره، ولا تمنيت أحد سواه لأنه كان وما زال، أول حب بحياتي وأعظم شي مرّ بقلبي#viral #fyppppppppppppppppppppppp #k - @_uilax_