Овие пиварки се совршени за посни слави или кога немате многу време а сакате посен домашен десерт. Буквално се подготвуваат со состојки што веќе ги имате во кујна.  Состојки: Излегуваат околку дваесетина пиварки. Тесто: - 200мл масло - 200мл пиво - малку ванилин екстракт (ако ставате ванилин шеќер ставете помалку 2 лажици обичен шеќер) - 1 прашок за пециво (околу 13г) - 3 лажици шеќер - 500г брашно Шербет: - 300г шеќер - 300г вода вода - малку ванила екстракт или ванилин шеќер - неколку парчиња лимон по желба За валкање: - 100г мелени ореви Начин на подготовка: 1. Во длабок сад додадете го брашното, пецивото и 1 лажица шеќер. Промешајте на кратко па потоа додадете го пивото и маслото. Мешајте најпрво со лажица а потоа многу кратко со рака. 2. Земајте топчиња од околку 40 или 50г, со дланката притиснете за да направите круг, па ставете малку по малку оревче и суо грозје и затворете ги од страните за да формирате топче. 3. Печете на 200°C околу 20 минути, додека лесно не заруменат. 4. Додека пиварките се печат, измешајте вода, шеќер и ванилин шеќер или екстракт и ставете да зоврие. Варете кратко 4-5 минути, па додадете малку лимон. Оставете целосно да се излади. 5. Пиварките кога ке ги извадите ор рерна оставете да одморат само 2-3 минути па ставајте ги во топлиот шербет по 10-15 секунди од двете страни и наросете ги со мелени ореви или кокос ако сакате. - @vkusotnadoma