زبادي .خاثر .روبه بالگشوة👌 مو زبادي ضيم والطعم عبالك قيمر ومستحيل يبقى بيها ريحه حليب بس اتبعو الخطوات المقادير بالكوب المعياري(كل كوب حليب يقابله كوبين ماء) ..٣ كوب حليب (كامل الدسم) ..٦ كوب ماء ..٣ملاعق كبيره زبادي نستخدمه للتخثير (اي نوع زبادي عدكم بالبيت اخذو منه ٣ الى ٤ ملاعق) مثلا اذا تحبون الزبادي حامضه استخدمو زبادي حامضه واذا حلوه استخدمو زبادي حلوه واذا تحبوها مدخنه استخدمو زبادي مدخنه ..نتيجه الزبادي راح تطلعلكم حسب نوع الزبادي تستخدموها للتخثير من ناحيه الطعم والقوام (ملاحظهً ب الامكان تقليل او زياده المقادير حسب الرغبه) طريقه العمل نخلط الحليب والماء ع البارد بعدها نخلي الجدر على نار متوسطه ونخلط حتى مايحترك ويلزك الحليب ب الجدر نستمر نحرك بالحليب لحد مايفور ..نخلي يفور مرتين ثلاثه حتى نتخلص من رائحه الحليب بعدها نطفي النار تكدرون تبقو بنفس الجدر اذا غيرتو الجدر اهم شي السرعه بالتغيير حتى ماتخرب الگشوه وبنفس لحظه ناخذ ٣ الى ٤ ملاعق من الحليب المغلي نخليهم بطاسه وترك الحليب يبرد بحيث يصير دافي مو بارد ولا حار يعني من نخلي اصبع بالحليب نحس بدفو مو حراره …ب طاسه لي بيها حليب نضيف ٣ الى ٤ ملاعق كبيره مليانه من الزبادي ))ي نوع زبادي متوفر عدكم ) ونخلطهم جيدا بعدها نضيفه للحليب بالجدر وبهاي الخطوه ضروري ننتبه حتى ماتخرب عدنا الگشوه . اعلمكم طريقه نحرك الگشوه من الطرف بهدوء ونضيف زبادي وبعدها نحرك بهدوء حتى يمتزج الزبادي والحليب بالجدر ..نغطي الجدر ونخلي بمكان دافي ٧ ساعات تقريبا بعدها ندخله للثلاجه كم ساعه حتى تتماسك #اكسبلور #الشعب_الصيني_ماله_حل😂😂 - @ph.aya_ali9