المكونات : كيلو دقيق( ٨ اكواب) ٨٥٠ جرام زبده (٤كواب) تكون بدرجة حرارة الغرفه ٣٠٠ جرام سكر بودر (٢ كوب ونص) ٢ بيضه كامله و4 صفار بيض معلقه صغيره فانيليا رشة ملح الطريقه: بضيف الزبده والسكر واضربهم في العجانه كويس جدا حوالي ١٠ دقايق وبضيف الفانيليا عالبيض وانزل بيهم في العجانه واحده واحده مع الضرب وبعدين اضيف الدقيق مع رشه الملح مجرد بس الدقيق يتخلط كويس بكل المكونات بوقف واشيل تلتين العجين من العجانه كده الخليط الابيض واسيب الباقي اضيف عليه ٣ معالق كبار كاكاو خام ومعلقتين زبده واضربهم كمان لحد ما الكاكاو يتخلط بالعجين كويس كده الخليط البني ناخد بالنا بس ان منعجنش كتير بعد اضافه الدقيق باخد العجينه احطها في كيس الحلواني وأبدأ اشكل في الصينيه وبكون مشغله الفرن على حراره ١٨٠ بحط الصينيه في الرف الوسط واتابعه يحمر من تحت بقفل الفرن وافتح الشوايه ياخد لون بسيط من فوق التسويه حسب الذوق ممكن يبقى فاتح وممكن ياخد لون اصفر حلو حسب انتو بتحبو ايه ممكن نشتغل بالمضرب الكهربائي في مرحله الزبده والسكر والبيض بدل العجانه بس لما نضيف الدقيق نوقف المضرب ونشتغل بايدينا نخلط بس المكونات مع بعض بعد ما اخلص التسوية واطلعه من الفرن بسيبه يبرد تماماً وبعدين ابدأ ازينه انا هنا زينت بشيكولاته وبمكسرات بجيب الشيكولاته الخام اسيحها في حمام مائي واجيب كل اتنين بيتيفور الزقهم مع بعض بالشيكولاته واشكل الشكل الخارجي زي ما باين في الصور التزيين طبعا براحتكم ممكن تلزقو البيتيفور بالمربى بدل الشيكولاته ويتقدم بالهنا ♥️#بيتيفور #بيتيفور_العيد #العيد #حلويات #العيد_فرحه #اكل #مطبخ - @sara.elsayed1994