@alnajaf.alashraf: نقلاً عن لسان الرادود كرار العارضي هاي نرويها للتاريخ حتى الكل يعرف ان الله عز وجل اذا راد يجعل التوفيق في مكان معين فالتوفيق هذا حقيقه محد يحضرله اكو يد خفيه تعمل . قبل ثلاث سنوات او اربعه هاي القصيده القريناها عباس اخويه على النهر هذا اخر بيت من القصيده داخلين اني والشيخ عدنان جدي الشاعر ، الله ينطي العافيه ، دخلنه للصحن كانت الاجواء جداً بارده گتله شيخنه شنو الجو بارد گلي ابو رقيه لطالما الجو بارد هذا البيت الاخير احذفه من القصيده اختصاراً للوقت البيت الاخير مطلعه عباس اخويه على النهر ، اني خليت هچي فد اشاره بالقلم على هذا البيت انه يحذف يعني اختصاراً للوقت لان الجو بارد والناس خطيه هم تعبانه فقرينه ووصلنه للابيات اللي يشتد بيها اللطم وتصير سرعه ، فاني مقرر ان اقرء الموشح وليس هذا البيت لكن ارادة الله عز وجل زله من اللسان قريت هذا البيت فاصبح علامه فارقه بتاريخ الشاعر الشيخ عدنان جدي وتاريخنا لذالك القصيده عندما تخلد لا يحضر لها ابداً ، لا الشاعر يحضر الها ولا الرادود ولا ابو الموكب ، التوفيق من عند الله عز وجل تكون يد خفيه تعمل بهذا الامر قصيدة يحسين بضمايرنه قرئت ثلاث مرات قراها حجي رسول محي الدين گبل ياسين ، اجه ياسين قراها بالمكان المقرر لها فتخلدت واصبحت منشوده نسال من الله ان يتقبل اعمالنا جميعاً وان يقضي حوائج المؤمنين والمؤمنات وان يوفق خدمة الامام الحسين ويجعل هذه المآتم صحه وسلامه وعافيه لكل الحاضرين والسامعين ببركة محمد وال محمد .

النجف الأشرف

Open In TikTok:

Region: IQ

Sunday 02 June 2024 14:12:56 GMT