ဝက်လက်မြို့နယ်၊ မှော်ဦးကျေးရွာမှ ကိုယ်ဝန် ၃ လရှိသူ အိမ်ထောင်သည်အမျိုးသမီးအား မုဒိမ်း ကျင့်ခဲ့သူ ရပ်ကျေးပကဖ ခေါင်းဆောင်မောင်နိုင်ကို NUG တရားရုံးက အလုပ်ကြမ်းနှင့်ထောင်ဒဏ် ၅ နှစ်ချမှတ် ရန်ကုန်၊ ဒီဇင်ဘာ ၂၄ စစ်ကိုင်းတိုင်း၊ ဝက်လက်မြို့နယ်၊ မှော်ဦးကျေးရွာတွင် ကိုယ်ဝန် ၃ လရှိသူ အိမ်ထောင်သည် အမျိုးသ မီးအား မုဒိမ်းကျင့်ခဲ့သူ ရပ်ကျေးပကဖခေါင်း ဆောင် မောင်နိုင်ကို NUG တရားရုံးက အလုပ်ကြမ်းနှင့် ထောင် ဒဏ် ၅ နှစ်ချမှတ်လိုက်ကြောင်း အမှုဖြစ်စဉ်ကို လိုက်ပါကူညီသူ အသိသက်သေတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။ ၂၀၂၄ ခုနှစ် မေလအတွင်း ဝက်လက်မြို့နယ်၊ မှော်ဦးကျေးရွာတွင် ကျေးရွာ ပကဖ ခေါင်းဆောင် မောင်နိုင်က အသက် ၂၁ နှစ်အရွယ် ကိုယ်ဝန် ၃ လရှိသူ အမျိုးသမီးကို နေအိမ်အတွင်းဝင်ရောက် ကာ အဓမ္မပြုကျင့်ခဲ့ကြောင်း၊ ထိုသို့ အဓမ္မပြုကျင့်မှုကြောင့် ကိုယ်ဝန်ပျက်ကျခဲ့ပြီး အမှုဖွင့်တရား စွဲဆိုခဲ့ရာ NUG အစိုးရ၊ ဝက်လက်မြို့နယ်တရားရုံးက ဒီဇင်ဘာလ ၂၂ ရက်နေ့တွင် ပြစ်မှုကျူးလွန် သူ မောင်နိုင်ကို အလုပ်ကြမ်းနှင့်ထောင်ဒဏ် ၅ နှစ်ချမှတ်လိုက်ကြောင်း သိရသည်။ “ကောင်မလေးရဲ့ ယောက်ျားကို ကင်းစောင့်ခိုင်းပြီး အိမ်ပေါ်တက်မုဒိမ်းကျင့်တာ၊ ကောင်မလေးက အော်တယ်၊ ပတ်ဝန်းကျင်က ကြောက်လို့ သွားမတားရဲကြဘူး။ မုဒိမ်းကျင့်ပြီးတော့ ကောင်မလေးကို ဖော်ထုတ်ရင် ဓားနဲ့ထိုးမယ်၊ သေနတ်နဲ့ပစ်မယ်လို့ ခြိမ်းခြောက်ခဲ့တယ်၊ မုဒိမ်းကျင့်တာက တစ်ခါ တည်းပဲ၊ ဒါပေမယ့် ဆေးရုံမှာ ၃ လသန္ဓေသားလေး ပျက်ကျခဲ့တာ၊ အဲဒါကို အလုပ်ကြမ်းနဲ့ ထောင် ဒဏ် ၅ နှစ် တဲ့၊ ဝက်လက်မှာတော့ အလုပ်ကြမ်းမရှိဘူး” ဟု အမှုဖြစ်စဉ်ကို လိုက်ပါကူညီသူ အသိ သက်သေတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။ ထောင်ဒဏ်ချမှတ်ခံရသူ မောင်နိုင်သည် တရားရုံးအမိန့်မချမီ အသိသေလိုက်ပေးသူများကိုလည်း သတ်ပစ်မည်ဟုခြိမ်းခြောက်ခဲ့ကြောင်း သိရသည်။ အမျိုးသားညီညွတ်ရေးအစိုးရ ၊တရားရေးဝန်ကြီးဌာန(MOJ)က မှုခင်းပေါင်း ၁၈၀၀ ကျော်ကို လက်ခံရရှိခဲ့ပြီး အမှုပေါင်း ၁၀၂၀ကို ကြားနာစစ်ဆေးခဲ့ကြောင်း၊ သက်ဆိုင်ရာတရားရုံးများမှ တရားဥပဒေနှင့်အညီ အပြစ်ရှိသူများကို ထိရောက်ပြစ်ဒဏ်များ ချမှတ်ခဲ့ပြီးဖြစ်ကြောင်း၊ စုစုပေါင်းအမှုပြီးပြတ်မှုရာခိုင်နှုန်းမှာ၅၅ရာခိုင်နှုန်းဖြစ်ကြောင်း NUG အစိုးရ တရားဝင် သတင်းထုတ်ပြန်ထားသည်။@Zayar TBZ 10(X) @ZayarTBZ ေမာင္သံဒိုး #myanmarnews #တော်လှန်ရေးရဲဘော်များဘေးကင်းကြပါစေ #မြန်မာသတင်း #ဒေသသတင်းရင်းမြစ် #myanmarcelebritytiktok #အရေးတော်ပုံအောင်ရမည် #ပြည်သူများဘေးကင်းကြပါစေ #zayartbz - @zayartbz7news