@deniz.baghirova: Asdım arzuları ümid ipiylə. Gümanım o biri dünyaya qaldı Üzdüm əllərimi yar ətəyindən, Bu boyda dünyada kimsəsiz qaldım. Dizim baltalanıb gedən yerindən. Dilim də söz tutmur dərdimi deyim. Puç etdim anamın toy arzusunu, Zərif arzuların xətrinə dəydim. Hələ doğulmayan qızım incidi, Oğlum küsüb getdi göyün üzünə. Əlimlə qurduğum yuvam dağıldı, Dünya birdən birə düşdü gözümdən Verdim gülüşümü kədərə qurban. Ağ bayraq qaldırdım ayrılıqlara. Gəzdim çıxış yolu tapa bilmədim. Hər günün sonunda qanadı yaram. Əlim arzuların qanına batdı. Özüm öz özümün qatili oldum. Sonuncu qatara çata bilmədim, Sən yad sərnişindin, mən uzaq yoldum Gəl mənim başımı bəlaya salan. Gəl qəlbi yaralım,başı bəlalım. Mənə bir yol göstər işığa çıxar Ya elə bir yolluq yaralı qalım. Yalan sözünü də ayə bildim mən Getdim, ətəyində səcdəyə getdim Sən mənim könüllü aldandığımsan, Mənə nə oldusa tək özüm etdim. Sənin günahın yox,sənin suçun yox. Ağlama ,gözünün qurbanı olum. Get,mənim atama oxşayan adam. Get,burda səninlə ayrılır yolum. Mən ölüm,özünə yaxşı bax,nolar. Başıma gələnlər səndən yan ötsün. Qoru əllərini ,barmaqlarını. Axır nəfəsində gözümü örtsün. Səni gözləyəcəm gedər gəlməzdən. Gözüm yollarında nur itirəcək. Qayıt gəl ki məni atdığın yerdən, Öləndə bəs axı kim götürəcək. Gəlmə,yalan dedim,gəlmə,amandı. Gəlmə,Qurban olum pozular andın. Yaxşı ki vaxtında ayrıldın məndən, Yaxşı ki mənimlə bədbəxt olmadın....

Dəniz Can

Open In TikTok:

Region: AZ

Thursday 26 December 2024 18:26:27 GMT