@isaac.khalaf: عايزة إيه يا شاطرة؟ قولي يا أم قلب وسِنَّة فضة عايزة كيس كاراتيه ونوجة ونص حِنَّة وربع رَدَّة عايزة كيس رابسو يا عمو يغسل القلب اللي صَدَّى عايزة قرطاس لب عاده وقرطاسين طيبة وسماح عايزة بودرة للسعادة وعايزة مسحوق للجراح عايزة بمب جديد وأصلي لسه طازه من يومين ينسف الفقر ودموعه من عيون المحرومين عايزة كرملة وتوفي عايزة مصاصة ولبانة عايزة خلق جديدة نوفي عمرها ما داقت خيانة عايزة كاستيلا وقازوزة وتمن زهرة للهدوم عايزة قلب في وقت عوزة طيبته أكتر من اللزوم عايزة كيلو جبنة بيضا وإبرتين تسليك وابور يسلّكوا الناس المريضة من سوادهم والغرور عايزة عسلية ودوم عايزة بوزو وشمعدان عايزة أفتح كل يوم ألقى في الناس الأمان وعايزة بالباقي جيلاتي وحلم دافي وضحكتين عايزة ما احزنش فحياتي أو يعيش غيري حزين عايزة قلب برئ يا عمو وكام ضمير من جوه رايق ما يلاقيش ف الدنيا همّه مهما عاش بين الخلايق عايزة حب ما فيهوش خوف عايزة دنيا بدون ديابة عايزة تاني يا عمو أشوف ضحكة الناس الغلابة**