@ix.yaj7: ابوي يصير ضدي يوگف يم زوجته ابوي ضربني وگلي مرتي تاچ راسچ ! ماتحملت اكثر من هيچ وأخذت غراضي وطلعت من البيت رحت لأبيت خالتي والي عايشه بي بنت خالتي (عشتار) بليل دخلت عليه وچنت بغرفه خالتي، عشتار: شهد، حَبيبتي صارلچ من صبح وانتِ هنا ماتاگلين ولا تحچين مايصير تزعلين على ابوچ هيچ رفعت عيوني: گتلها: شنو ما يصير؟ لچ ضربني گدامها ضربني علمودها علمود مرته لچ ذلني گدامها وگدام جهاله! گالت: شهد شماصار أبوچ يبقى أبوچ كل إنسان ويغلط وكل أهل ممكن يغلطون انتِ شلون تگطعين هيچي صله؟ هذا مو حل انتِ شلون راح تعيشين بدونه بدون ابو ( گمت من مگاني، بصوت مليان غضب وقهر مگبوت): گتلها: أبو؟ شنو أبو؟ وين چان لما چنت مذلولة يم مرته؟ وين چان من چانت تضربني وتصرخ عليه وهوه يضل ساكتت وين چان من تخليني مثل خدامه انظف ودك أهاين گدامه وين چان من تعايرني بأمي! وينه؟ هيه ما وگفت بس على گلمه منه، هناك انه انذليت وانهانيت ونداس على گرامتي گالت: شهد كافي! انتِ مو الوحيده الي انظلمت كل إنسان وانظلم وكل بيت بي مشاكل گتلها بعصبيه: ها؟ خووش إذا تشوفين الي گاعده اسوي مبالغ بي ف انه طالعه ( لبست چاگيتي چانت چنطتي يم الباب قبل لا اخذها لزمتني من ايدي) گالت بعصبيه: انچبي ماگوو طلعه! يعني هسه من تردين تأخذين ملابسچ وطلعين وين؟؟ بالشارع؟ دفعتها ،گتلها بعصبيه: ما فارقة وياي! ما يهمني أعيش وين ما أعيش حتى لو بالشارع ولا أعيش بذل واهانه! گالت: انتِ تعرفين شنو يعني تعيشين بالشارع؟ أريد أفهم تروحين لوين؟ تحچين من كل عقلچ انتِ؟ انچبي ماترحين! گتلها بغصه: ليش؟ ليش ما أروح؟ حتى ابقى مذلوله يم كل واحد گضيت عمري وانه من بيت لابيت بس ذل واهانه شنو الفرق لو عشت بالشارع؟ (هيه تقربت مني تحاول تلزم ايدي، رفعت ايدي الها حتى اوگفها بمگانها) گتلها: أنچبي ما تعرفين شي إنتِ عايشه بحضن أمچ وأبوچ ما تعرفين شنو يعني تنذلين شنو يعني امچ تفضل زوجها عليچ متعرفين شنو يعني أمچ تتبره منچ علمود فحل! وشنو يعني ابوچ يفضل مرته عليچ! هيه، اتنهد: ما عشت نفس الي عشتي بس مو يعني ما حاسه بيچ لا حاسه بس شبيدي عليچ؟ گتلها: ما اريد أحد يحس بيه ما اريد شي بس عوفوني بحالي عساي بالموت! گالت بصوت عالي: انچبي اسم الله عليچ لا تحچين هيچ ترا اعتبرچ مثل اختي شبيچ؟ گتلها: عشتار چاي اگلچ ما اريد شي عوفيني ! گالت بنبره اهدء: اي اعوفچ بس طلعه من هذا البيت ماگو مو بگيفچ! گتلها بأنزعاج: مالچ دخل بيه لا تخلين هسه اطلع من طوري گالت: شنو مالي دخل؟ الي دخل ونص! وتبقين اهنا وهذا البيت بيت خالتچ! البيت الي تربيتي بي يعتبر بيتچ گتلها: ما اريد ابقى حتى اهنا ! گالت بصوت عالي: ياااا شبيچ شهد تحچين صدك؟ خالتچ هسه تشوفچ شنو راح تگول؟ إذا شافت بنتها الي ربتها هيچ تحچي؟ - ماتحملت من چابت سيرتها اچتلي الغصه وعيوني بدت دمع: والله تعبت وينها؟ خلي تچي تشوف حالي، والله لو هيه عايشه چان ما صار كل هذا چان ما نذليت چا ما نذليت ابد صوتي متگطع من الغصه هيه، ضلت ساگته صارت تبچي بس بصمت: -ترحمت عليها، مسحت دموعي -هيه ترحمت، طلعت من الغرفه ورچعت چابتلي مي وكلنس گلتلي هاچ شربي ومسحي دموعچ -مسحت دموعي وشربت مي گالت: يلا روحي نامي بغرفتي باچر نحچي گتلها: لا، اريد ابقى اهنا انام بغرفتها - باست گصتي گلتلي "ماشي، تصبحين على خير " #fyp #foryoupage #explore #اكسبلور #trending #videoviral

شَهد

Open In TikTok:

Region: IQ

Friday 03 January 2025 22:16:53 GMT