@zayartbz7news: ထိုင်းနိုင်ငံတွင် ၃ ရက်အတွင်း ထရပ်ကားများဖြင့် တရားမဝင် ဝင်ရောက်လာသော မြန်မာနိုင်ငံသား ၁၉၅ ဦးကို ဖမ်းဆီးရရှိ၊ စစ်မှုထမ်းနည်းဥပဒေကြောင့် အမျိုးသမီးနှင့်အမျိုးသား လူငယ်အကုန် ထွက်ပြေးနေရ ရန်ကုန်၊ ဇန်နဝါရီ ၃၁ ထိုင်းနိုင်ငံတွင် ၃ ရက်အတွင်း ထရပ်ကားများဖြင့် တရားမဝင် ဝင်ရောက်လာသော မြန်မာနိုင်ငံသား ၁၉၅ ဦး ဖမ်းဆီးရရှိကြောင်း ထိုင်းအာဏာပိုင်များကို ကိုးကား၍ ထိုင်းသတင်းမီဒီယာများက သတင်းဖော်ပြသည်။ ဇန်နဝါရီလ ၂၉ ရက်နေ့ ည ၁၁ နာရီအချိန် ထိုင်းနိုင်ငံ တာ့ခ်ခရိုင် မဲဆောက်မြို့ စစ်ဆေးရေးဂိတ်တွင် စပါးတင် ထရပ်ကားဖြင့် ခိုးဝှက်၍ လိုက်ပါသော မြန်မာနိုင်ငံသား ၂၆ ဦးကို ဖမ်းဆီးနိုင်ခဲ့ကြောင်း၊ အဆိုပါ မြန်မာနိုင်ငံသား ၂၆ ဦးသည် တရားမဝင် နည်းလမ်းဖြင့် နယ်စပ်ဖြတ်ကျော်၍ ဝင်ရောက်လာခြင်းဖြစ်ကြောင်း ၊ အစောင့်အကြပ်မရှိသော နယ်စပ်ဝင်ပေါက်တစ်ခုမှ ဝင်ရောက်ခဲ့ခြင်းဖြစ်ကြောင်း သိရှိရသည်။ အလားတူ ယနေ့ တွင်လည်း ထိုင်းနိုင်ငံ၊ ကန်ချနပူရီပြည်နယ် Thong Pha Phum ခရိုင်အတွင်းရှိ စစ်ဆေးရေးဂိတ်တစ်ခုတွင် ၂၂ ဘီးနောက်တွဲထရပ်ကားအတွင်း ခိုးဝှက်၍ လိုက်ပါသော မြန်မာနိုင်ငံသား ၁၆၉ ဦးကို ဖမ်းဆီးရရှိကြောင်း၊ အဆိုပါ တရားမဝင် ဝင်ရောက်လာသော မြန်မာနိုင်ငံသား ၁၆၉ ဦးတွင် အမျိုးသမီး ၆၇ ဦး ပါဝင်ကြောင်း သိရှိရသည်။ မြန်မာနိုင်ငံတွင် စီးပွားရေးကျပ်တည်းမှု၊ အကြမ်းဖက်စစ်ကောင်စီက အသက် ၁၈ နှစ်မှ အသက် ၃၅ နှစ်အတွင်း အမျိုးသားများ၊ အသက် ၁၈ နှစ်မှ အသက် ၂၇ နှစ်အတွင်း အမျိုးသမီးများကို စစ်မှုထမ်းရန် အတင်းအကျပ် ခိုင်းစေနေသဖြင့် လူငယ်များမှာ အိမ်နီးချင်းထိုင်းနိုင်ငံသို့ပုံစံမျိုးစုံဖြင့် ထွက်ပြေးနေရကြောင်း ပြည်တွင်းမှ စစ်ဘေးရှောင်များနှင့်CDM များကို ကူညီနေသောကွန်ရက် ခေါင်းဆောင်တစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။ "လေဆိပ်မှာကလည်း ထွက်လို့မရအောင် အရမ်းတင်းကျပ်ထားတယ်။ အခုက စစ်မှုထမ်းနည်းဥပဒေအရ အမျိုးသမီး၊ အမျိုးသား လူငယ်အကုန် စစ်မှုထမ်းခိုင်းနေတော့ ထိုင်း-မြန်မာနယ်စပ်ကနေ တရားမဝင် ထွက်တာတွေ ပိုပြီးတော့များလာမယ်" ဟု ၎င်းက ပြောဆိုသည်။@Zayar TBZ 10(X) @ZayarTBZ ေမာင္သံဒိုး #pdfတေဘေးကင်းကြပါစေ #ဒေသသတင်းရင်းမြစ် #ဒေသသတင်းရ #ပြည်သူများဘေးကင်းကြပါစေ #စစ်အာဏာရှင်စနစ်ကျရှုံးပါစေ #မြန်မာသတင်း #zayartbz #myanmarcelebritytiktok #myanmar #စစ်တပ်ယုတ်မာမှုပေါင်းစုံငါတို့အသိဆုံး