@youandayah: دي مش اي فتة بتنجان يا جماعه..دي الفتة الي حتعتمدوها في رمضان او طول حياتكم من حلاوتها🤤 انا لازم لازم لازم تتطلب مني في اي عزومة من غير نقاش اصلا😅 فتة البتنجان المكونات * ٣ بتنجان كبير، مكعبات * ٢ م ص ملح * ٣ م ك زيت زيتون * ١ كوب حمص مسلوق * عيش لبناني مقلي/محمص (صلصة الطماطم) * ٢ م ك زيت زيتون * ٢ فص ثوم، مفروم * ١ م ك معجون طماطم * ١ كوب عصير طماطم * ١/٤ كوب مياه * ١ م ص سكر * ١ م ص بابريكا * ١/٢ م ص كمون * ١/٢ م ص زعتر ناشف * ١ م ص هاريسا * ١ م ك دبس رمان * ١ م ك سماق * ملح و فلفل (صوص الزبادي) * ٢ كوب زبادي * ١/٣ كوب طحينة * عصير ١ ليمون * ٢ فص ثوم، مفروم * ملح الطريقة 1. نخلط مكونات صوص الزبادي مع بعض كويس و نسيبها في الثلاجة لحد ما نحتاجها. 2. في طاسه نشوح الثوم مع زيت الزيتون لحد ما تطلع ريحتها و ننزل الصلصة و نشممها النار دقيقة و نضيف عصير الطماطم و نخليها تتسبك ٢-٣ دقايق و نضيف التوابل و المياه و نخلط كويس و نخليها تتسبك ٧-١٠ دقايق على نار هادية لحد ما تثقل. نطفي النار و نضيف السماق و دبس الرمان و نقلب و نخليها تبرد تماما. 3. نضيف الملح على البتنجان و نحطها في مصفى عشان تنزل مايتها و بعد ١٠ دقايق نعصر البتنجان كويس جدا عشان نتخلص من اي سوائل زياده. نخلطها بشوية زيت زيتون و نحمرها في الايرفراير او نقليها في زيت غزير لو حابين. 4. نخلط البتنجان المقلي و الحمص المسلوق مع الصلصة. 5. نجهز الفتة قبل التقديم على طول، الاول نفرد الزبادي، انا بحب احط الزبادي من تحت عشان العيش مايدبلش. عليها خلطة البتنجان و العيش في الاطراف او علي البتنجان و نزيبها بسماق و رشة دبس الرمان و رمان حب و بقدونس و لوز او صنوبر محمص و الف هنا♥️ . . . #eggplant #eggplantfatteh #fatteh #sidedish #Ramadan #fyp #explore #explorepage #fypシ #Foodie #viral #trendingreels #foryou #fypp #foryoupage #fyppppppppppppppppppppppppppppppppppp #الشعب_الصيني_ماله_حل😂😂

Ayah Shedeed

Open In TikTok:

Region: EG

Saturday 01 March 2025 02:33:16 GMT