• هذي إحدى السيناريوهات اللي تفاقم ترقق الشعر، خصوصًا مع إهمال استمر 10 إلى 15 سنة، البنت توصل لمراحل متقدمة، الفروة تبين، والشعر يكون خفيف. • تأثير الصلع الوراثي والشعر الخفيف جينات تراكمي مشترك، وبالتالي الفروة تبين أسرع من الحالات الثانية. • بالأساس، الشعر الخفيف جينات ما عنده ميزة تغطية قوية للفروة، وإذا انضاف له الصلع الوراثي اللي يرقق الشعر مع الوقت، فبسبب الإهمال تتفاقم حالة الصلع. • ما يكفي تسوين كم جلسة بلازما بمبلغ وقدره، الإبر هذي غير كافية تنقذ البصيلات من الانكماش. • أو تستخدمين محفز للبصيلات مثل الزيوت وتتركينهم، أو تستخدمين منكسديل وتوقفينه وما يعجبج أي شي، وتكتفين بسدر ع اساس "ينبت الشعر" ولوحده .. • لازم تثبتين على منتج محفز للبصيلات ترتاحين له. نقاط توعوية مهمة عن الصلع الوراثي: 1. الصلع الوراثي حالة تدريجية مستمرة تحتاج إنقاذ واستمرار بالعلاج. 2. سنويًا عدد الشعر يقل بنسبة 6٪؜ لدى حالات الصلع الوراثي إذا كان بدون علاج. 3. الشعر الخفيف جينات ما يسمح لصاحبته تسوي زراعة لأن شعرها أساسًا ضعيف والمنطقة المانحة ضعيفة. 4. سواء كنت بنت أو رجل، من عوامل الخطورة ظهور الصلع الوراثي بعمر مبكر، وهذا يعني وتيرة الصلع سريعة عندك. 5. يجب اتباع جدول علاجي وعناية خارجية لطيفة تناسب نوع الشعر، لأن حالة البصيلات ما تتحمل فرد، صبغ، اكستنشن، أو تسريحات قاسية. نظرة شاملة: • يجب مراعاة جوانب حياتية أخرى: 1. نفسية 2. نوم 3. رياضة 4. أكل 5. صحة عامة: مثل إدارة أعراض الغدة، تكيس المبايض، ثلاسيميا… إلخ • احياناً في مشاكل تتزامن مع الصلع الوراثي، ولازم نطالع الموضوع من كل الجوانب، مو من جانب جلدي فقط. • يفضل مراجعة أطباء مختصين: • طبيب عام: لفقر الدم • طبيب جلدية: لمشاكل جلديه • طبيب باطنية: لمشاكل التقرحات اللي تسبب نقص مغذيات الدم…إلخ رأيي كـ Trichologist لحالات الصلع الوراثي 1. اختيار شامبو كيتوكونازول بتركيز ٢٪؜ (المادة لها بوتنشال جيد للصلع الوراثي) 2. شامبو فيه كافيين، ممكن يكون استخدامه أسبوعي 3. ديرما ستامب 4. منتج محفز للإنبات باستمرار 5. مساج يومي أو شبه يومي لفروة الرأس 6. تناول حبوب القرع بكف اليد يوميًا أو سبلمنت 7. لحوم حمراء مرتين بالأسبوع 8. أسماك من مصدر مضمون ٣ مرات بالأسبوع 9. تقليل السكريات والالتهابات 10. ممارسة رياضة وحركة مثل الكارديو 11. التركيز على المعادن والفيتامينات التالية: ‏ • Iron ‏ • Magnesium ‏ • Zinc ‏ • Vitamin D (25-hydroxy) ‏ • Vitamin B12 ‏ • Folic Acid ‏ • Ferritin 12. ضبط توازن الهرمونات 13. لايت ليزر ثيرابي (Light Laser Therapy) الملخص: • حياة صحية + استمرار بالعناية الخارجية = أفضل خطة لمقاومة الصلع الوراثي والترقق. الخطة العلاجية اللي أتكلم عنها ما تستهدف الشعر الزغبي ولا البصيلات اللي فقدت وظيفتها نهائيًا، لأن البصيلة إذا ماتت أو تحولت لشعر زغبي دقيق جدًا لسنوات طويلة، ماعاد تستجيب لأي محفز. التركيز هني على البصيلات الضعيفة اللي لا تزال موجودة وحية ولو بنسبة بسيطة – هي اللي ممكن نلحقها ونقويها قبل لا تنكمش أكثر أو تدخل مرحلة ضمور دائم. لذلك كل خطوة في الخطة هدفها إنقاذ البصيلات النشطة مو إعادة خلق بصيلات ميتة، وهذا واقعياً الشي الوحيد اللي ممكن نتحكم فيه - @monydxb