@...r6n: رديت على رسالته - منو ؟ - المحقق علي - منين جبت رقمي ؟ - مو صعبة لو اريد اجيبج بگدج - انت حاجيتني بحدود المشكلة وبس وهسه انتهى كلشي اعتذر بس راح احظرك - لتحظريني - شتريددددددد ؟ - راح اساعدج بكلشي اخاف تتورطين بهيج مشكلة بعد وانتِ معندج اهل اني اصيرلج اهل صفنت على رسالته وگلت بداخلي : يلا نمشي مصلحه براسه اذا اطيح بمشكلة استفاد شفت الرسالة وسكتت ويوم الثاني الصبح رحت للشركة واعتذرت للمدير وقبل ارجع اداوم ورجعت اداوم وحياتي طبيعية كلش مبيها أي عائق وما تواصلت وي المحقق ابدا وهو هم ابدا ما راسلني وبعد مرور شهر رجعت من الدوام مالتي للشقة باوعت على باب الشقة مفتوح استغربت ! اني متاكدة قافلته شلون مفتوح نفيت الأفكار من راسي يمكن نسيت وماقفلته اليوم دخلت وسديته زفرت نفس ورحت نمت من التعب اسمع صوت طرقات باب كمت من فراشي گوه امشي نعسانه فتحت الباب محد باوعت يمين ويسار محد دخلت وسديت الباب يمكن دگو الباب بالغلط سمعت صوت اشعار بتلفوني رحت فتحته شفت رقم مجهول كاتب : (( الوعد أقترب)) صفنت مخلوسه حظرت الرقم وسكتت وصلني رسالة من رقم ثاني : (( بالتلفون تحظرين الرقم وتخلصين بس بالواقع دبريلج طريقة تخلصين بيها مني )) حظرت الرقم ورحت اتصلت على المحقق بساع جاوبني - سيدي اكو واحد راسلني يهدد - وشنو المطلوب مني ؟ - مو گلت اذا تطيحين بورطه اساعدج ؟ - شهد - ها - اساعدج بس بمقابل - شنو المقابل ؟ اذا تريددد فلوس انطيك فدوة بس لا... قبل لا اكمل كلامي خلسني بحجاياته - ماريد فلوس اريد تتزوجيني متعه كم اسبوع ونتطلق واذا متردين براحتج سدي الاتصال وحظريني ما اساعد بشيء - دتساومني ؟ - لا بس ماكو شيء ببلاش وها هذول عصابة المخدات افرچ عنهم بالسجن لان اهليتهم ناس كبايريه ودفعو الكدامهم والوراهم ف اختاري تتزوجيني وتعيشين بامان لو ... قبل ليكمل سديت الاتصال مصدومة ! شلون يكدر هيج يسوي واضح استغل الفرصه الي جان ينتظرها وساومني بهل شيء حظرت رقمه وطبگت ورقته قبل لا تنفتح اساساً گعدت بالصالة صافنه وافكر : واني شمدريني هذا الرقم من اله ؟ ويريد يضغط علي علمود اروح استنجد بي وياخذ فرصته هزيت ايدي : والله يا الله هذا هم محسوب على الزلم ؟ غلست على التهديدات وجنت متاكدة هذا رقم من ارقام المحقق علي ويريد يخوفني علمود ينتهز الفرصه كملت نومتي وكعدت الصبح بدلت وعدلت شعري وطلعت للدوام خلصت ساعات الدوام ورجعت للشقة مالتي فتحت الباب ودخلت جمدت بمكاني واني اشوفه گاعد على القنفه الي بالصالة نگدر نكول نسيت اسمي من كد ما خفت ! باوعتله اي هذا كرار مجاي اتخيله اكو ىىىجين بأيده يفر بيها رفع نظراته علي عيونه واضح بيهن كمية الحقد والكراهيه الي اتجاهي گام ووكف مالگيت اقرب شيء الي الا المطبخ ركضت عليه وهو دخل وراي وما خليت شيء ما ركعته براسه لا خليت كلاص ولا صحن يعتب علي اخرتها فتحت الثلاجة وشمرت المجون والطماطه والخيار وهو يصيح بس خل الزمج احطهن تعرفين وين ماضل شيء بالمطبخ غير التاوه على الطباخ بيها دهن محترگ جبتها وركعتها براسه مستغربه منين اجتني هاي القوة ! لزم راسه ركعته مرة ثانية بكل حيلي وقوتي طاحت الىىىجين من ايده بالگاع جبته ركعه ثانية براسه وكع بالگاع ي حسبالي هو مايع وهيج وگع بسرعه من ثلاث ضربات بس مجنت ادري بي عله چبيره ! ضليت افتر حايره شسوي بي سمعت صوت تلفون يتصل بجيبه سحبت تلفونه من جيبه شفته حاط قلب ابيض گلت بداخلي : والقران اركع التاوة براسك واذا ما هسه اخرب الاول والتالي وي ست الحسن هاي فلا اطلع شهد رفعت الاتصال وجاوبت انصدمت من اجاني صوت رجال عاط بساع - كراررررررر ووووووينك حسيت راح اموت من الخوف - اءءءء منوو - منوووووو انتتت؟ - اننتتت منوووو ؟ - انييي ابوه انت منوووو ووووين كرار ؟؟ - كرار هذا يمي نايم - ولجججج منوووو انت هي بس هاي الضلتتتت يطلع متزوج ومادري بييي - عمو لا اني صديقته واجا تعبان ونام هنا ومجاي يكعد تكدرون تجون تاخذونه ؟ - بنت الخرا شنووو نايم وميكعد لج هذا الضاهر بالعععع - شبالع عمو ؟ - بالع ع... شهكت من سمعت الفشره الي حجاها وگلت بداخلي : اذا الابو هيج شيطلع البزر ؟ ديلا هسه شعلي اهمشي يجي ياخذه واخلص انطينه العنوان وسديت التلفون واني ارجف صافنه على كرار متمدد بالأرض بالمطبخ مجرد حرك ايده شلت التاوه وخبزته على راسه بيها بعد هو نام ولا تحرك بي شيء سمعت الباب يندك رحت وفتحت الباب طب رجال ووراه مرأه وطب رضا وطب ولد ثاني وجهه شكد مريح النظر وحلو تحسون الله صدك ابدع بخلقه عاطت بيه المرأه - ووووين ابنيييي بلمصخمه - هذاك نايم بالمطبخ - ويننننن المطبخ اشرتلها عليه وهما راحو كلهم يركضون للمطبخ امه شافته وصرخت - ولجججج شمسووويه بي ؟ - لا بس گال اريد اتمدد على بروده المطبخ - وهااااي التاوه شتسوي بصفه؟ - عود عاساس ناكل بيض بس نسيتها يمه من صدك الرجفه والخوفه واضحه علي وماحس الا #شهد #قصتي
راحت هيبة كرار والمخدات 🤣 + اذا تكدرين روحي لخوالج او روحي قدمي شكوى للمحكمه وهما راح يحطولج حتى حمايه + روحي مركز شرطه ثاني او روحي ل اربيل او لدهوك وغيري هويتج وارقامج وتلفونج نطيني يوزرج بلواتباد
2025-04-29 09:21:38
29
Aenas :
هاي قصه شسمها بلوتباد موجوده ؟
2025-04-28 21:11:29
16
حَسيِن🤏🏻🤍. :
يمكن انا الوحيد الي مشايف كرار
2025-04-29 07:14:57
36
لُجين :
صح موقف يخوف بس اكثر بارت ضحكني 😭😭😭
2025-04-28 20:57:41
343
َِᖇُِ᥆ُِᤁُِᥱ :
شهدد بروح ابوج نزلي اليوم💔
2025-04-29 12:13:33
17
ﭬﭑطٰمہٰ :
نازلة بالواتباد؟ وشنو اسمها؟
2025-04-29 10:40:05
3
- بـَنين . :
صارلي ساعه نايمه بحسابچ 😭😭🥹.
2025-04-28 20:52:01
139
omar :
اريد اتأثر بل قصه بس كل ما اريد اتئثر بل قصه اطك من ضحك😂💔
2025-04-29 14:17:03
15
افـاطـم1447هـ :
شصارر ماا بيه حيلل اقرأ حرگلتي الاحداث بنات
2025-04-28 21:09:56
11
زوزِي . :
ثهددد اريد أشوف جهره كرار عادي تدزيها خَاص؟😭😭
2025-04-28 21:57:07
23
مَحاسِـن|| بأنتَظاࢪالقائِم³¹³ :
نريد نخمد دنزلي البارت الثالث والرابع والخامس والسادس والسابع والعاشر
2025-04-28 22:19:22
10
زَينب . :
شهودتيي🥹🥹💕چنت نايمة بحسابچ بعليي
2025-04-28 20:54:13
36
ربما نلتقي.. :
يكللها ناكل بيض😭😂😂
2025-04-29 13:19:06
19
sh18hu25 :
امانههه كملييي تجننن😂
2025-04-28 21:04:09
6
﮼᷂حُب. :
والله ولا صدكت بشيء
2025-04-29 05:48:11
2
𝔸𝕒 :
قبل هالبارت معلقه اني يارب تزوج علي 😂😂😂😂قصه حقيقيه ؟؟؟؟😞
2025-04-29 20:47:32
3
ضحى 🎀 :
عفيه بختي سباعيه
2025-04-28 21:40:15
18
𖤍𝑍𝐴𝐼𝑁𝐴𝐵𖤍 :
قصتچ سوت ندبة عند كل واحد قراها واولهم انه 😞🎀🎀🎀🎀✨.
2025-04-28 22:14:33
6
رُوح :
ماتسوينه روايه؟؟
2025-04-29 06:29:47
0
To see more videos from user @...r6n, please go to the Tikwm
homepage.