@nyein.thant.zin1: ဒီအခန်းကငြိမ်းကသီရိကိုသူမစိုင်းနဲ့အဆင်မပြေကြောင်းရင်ဖွင့်တဲ့အခန်း😌😌😌အဖေရောဗိုင်ထဲကသမီးကပါငြိမ်းကိုအေးဆေးပေးမနေကြဘူး😒😒 မနက်ရောက်တော့စိုင်းကအစောကြီးမိနှင်းပြင်ပေးသောမနက်စာကိုစားပြီးCarshowroomသို့ထွက်သွားပါသည်။စိုင်းရဲ့ကားစက်နှိုးသံကိုကြားမှငြိမ်းလည်းအိပ်ရာမှထလာခဲ့သည်။ညက ကားမောင်းထားတဲ့အရှိန်တွေရောလမ်းလျှောက် ထားသောအရှိန်တွေရောကြောင့်ငြိမ်း ခန္ဓာကိုယ် တစ်ခုလုံးညောင်းညာခက်ခဲနေလေ၏။အိပ်ရာ ကတောင်မနည်းထပြီးငြိမ်း သမီးလေးရဲ့အခန်း ဆီသို့သွားကြည့်လိုက်တော့သမီးလေးကလည်း နှစ်နှစ်ခြိုက်ခြိုက်အိပ်ပျော်နေသေးသည်...သူမ လည်းသမီးလေးအိပ်ပါစေဟူပြီးတံခါးလေးပြန် စေ့၍ဧည့်ခန်းထဲပြန်ထွက်လာခဲ့သည်.. "မမလေးနိုးပြီလား...မနက်စာရောစားတော့ မလား..." ဧည့်ခန်းထဲတွင်သန့်ရှင်းရေးလုပ်နေသောမိနှင်း ကသူမကိုလှမ်းမေး၏။. "ရတယ်မိနှင်း...ငါမဆာသေးလို့နောက်မှပဲစား တော့မယ်...ငါ ရေအရင်ချိုးလိုက်ဦးမယ်..." "ဟုတ်ကဲ့မမလေး...ဂရုစိုက်ပြီးချိုးနော်...ဒါမှ မဟုတ်မိနှင်းရေချိုးခန်းထဲလိုက်ပို့ပေးရမလား မမလေး..." "ရတယ်မိနှင်း ...ငါ့ဘာသာသွားလိုက်မယ်... ရွှေယွန်းနိုးလာရင်သာသေချာသန့်ရှင်းရေးလုပ်ပေးလိုက်ကြားလားမိနှင်း..." "ဟုတ်ကဲ့မမလေး..." မိနှင်းကိုမှာစရာရှိတာမှာပြီးငြိမ်း အခန်းထဲပြန် ဝင်ကာရေမိုးချိုးဖို့ပြင်ဆင်လိုက်၏။ရေချိုး လိုက်တော့မှပဲညကနုံးချိနေသောအညောင်း အညာများနည်းနည်းပါးပါးပြေပျောက်သွား သလိုလိုရှိသွား၏။ရေမိုးချိုးပြီးငြိမ်း မှန်တင်ခုံ ရှေ့တွင်ထိုင်ကာအလှပြင်နေမိသည်...ကလေး နှစ်ယောက်အမေဖြစ်တော့မည့်သူမကအရင်က လိုလှမြဲလှနေဆဲဖြစ်ပါသည်...ဒါပေမဲ့သူမရဲ့ အလှတရားသည်စိုင်းကိုဖမ်းစားနိုင်စွမ်းမရှိခဲ့ပါ ဘူး...ဒါကိုသူမကိုယ်တိုင်လည်းသိကောင်းသိပါ လိမ့်မည်...သူမ အလှဆုံးပြင်ဆင်ပြီးသူမနှင့် အလိုက်ဖက်ဆုံးဗိုက်ဖုံးအင်္ကျီလေးကိုရွေးဝတ် ၍အပြင်သွားဟန်ပြင်ဆင်နေပါသည်...သူမ သွားမည့်နေရာကတော့သူမ စိတ်တွေအရမ်း ရှုပ်လာရင်သူမ၏အရင်းနှီးဆုံးသူငယ်ချင်းဖြစ် သည့်သီရိကိုရင်သွားဖွင့်တာပါပဲ...သမီးလေးကို တော့ဒီနေ့ကျောင်းပိတ်ရက်မို့အိမ်မှာပဲမိနှင်းနှင့် အတူထားခဲ့လိုက်ပါသည်...ကားကိုလည်းသူမ ကိုယ်တိုင်မောင်းကာသီရိ၏ဆေးရုံသို့မောင်း လာခဲ့ပါသည်...ရက်ချိန်းလည်းမရှိဘဲသူမဆီ ရောက်လာသောငြိမ်းကိုမြင်တော့သီရိကတအံ့တသြဖြင့်..... "ငြိမ်း ဘယ်လိုလုပ်ရောက်လာတာလဲ...ဒီနေ့ ရက်ချိန်းလည်းမရှိပါဘူး...ထိုင်ဦး..." ငြိမ်းကသီရိအရှေ့ကခုံလေးမှာဝင်ထိုင်ရင်း...... "ဟုတ်တယ်သီရိ...ငါ စိတ်နည်းနည်းလေနေလို့ နင့်ဆီကိုရောက်လာတာ..." ငြိမ်းရဲ့စကားကြောင့်သီရိချက်ချင်းမျက်နှာ ပျက်သွားပြီးငြိမ်းအတွက်စိတ်မကောင်းဖြစ် သွားမိသည်..... "ဘာဖြစ်ပြန်ပြီလဲငြိမ်းရယ်...ဘာလဲ...စိုင်းရဝေ နင့်ကိုရန်ရှာပြန်ပြီလား...ဟမ်.." "သူငါ့ကိုရန်ရှာနေတာလား...သူဘာဖြစ်ချင်နေမှန်းကိုငါလည်းမသိတော့ပါဘူးဟယ်..." "ကဲပြောပါဦး...ဘယ်ကနေဘယ်လိုစဖြစ်ကြ တာလဲ..." "မပြောချင်ပါဘူးသီရိရယ်...သူနဲ့ငါစကားများ ပြီးမနက်ကျတော့သူအလုပ်လည်းမသွားဘဲအပြင်ကိုထွက်သွားတယ်...တနေကုန်အိမ်ကိုပြန် မလာတာနဲ့ငါလည်းသူ့နောက်ကိုကားနဲ့လိုက် သွားကြည့်တယ်...ညကျတော့သူသွားနေကျမြို့ စွန်ကကော်ဖီဆိုင်မှာသူကအေးအေးဆေးဆေး ကောင်မလေးနဲ့စကားပြောနေတယ်...." "ကောင်မလေးဆိုတော့ ငွေယမုံလား..." "မဟုတ်ဘူး...ရွှေယွန်းရဲ့တီချယ်ပဲဟ..." "ဘယ်လို...ရွှေယွန်းရဲ့တီချယ်ကနင့်ယောင်္ကျား နဲ့ဘယ်လိုလုပ်..." "သူပြောတာတော့ရွှေယွန်းရဲ့ကျောင်းကိစ္စဆွေး နွေးနေတာတဲ့...ငါကတော့အဲ့ဒီ့အကြောင်းပြ ချက်ကိုယုံပေးလို့ကိုမရဘူး..." "ဟုတ်ရောဟုတ်ရဲ့လားငြိမ်းရယ်..." "ငါလည်းမသိတော့ပါဘူးသီရိရယ်...ငါလည်း စိတ်ညစ်နေတာပဲသိတယ်...ငါဘယ်လိုတောင် လုပ်ရမလဲမသိတော့ဘူး..." "စိတ်ကိုတည်ငြိမ်အောင်ထားပါသူငယ်ချင်း ရယ်...တစ်ခုခုဆိုစိတ်မလောဖို့အရေးကြီးတယ် ဟ...ပြီးတော့နင်ကနေ့စေ့လစေ့နဲ့....." "ဟုတ်တယ်သီရိရယ်...အဲ့ဒါတွေထားလိုက်ပါ တော့ဟယ်...ငါနင့်ကိုပြောပြစရာရှိသေးတယ်... ဒီကလေး..." ငြိမ်းကဗိုက်ကလေးကိုငုံ့ကြည့်ရင်းပြောလာတာ ကြောင့်သီရိပါသူမ ဗိုက်ကလေးအားငုံ့ကြည့်လိုက်မိပါသည်...... "ဒီကလေးကဘာဖြစ်လဲ ငြိမ်း..." "ငါလေ...ဒီ ဗိုက်ထဲက ကလေးကလည်း အခုထိ ဘေးတစောင်းပဲ ဖြစ်နေလို့ ငါအရမ်းစိတ်ညစ်နေပြီသီရိ...သုံးလေးလထဲက ဒီလိုပဲ...တခြားဗိုက်ပြင်တဲ့ဆရာဝန်နဲ့လည်း ခဏခဏ ဗိုက်ပြင်တာတောင် သူက ပြန်လှည့်ပြီး ဘေးတစောင်းပဲ ပြန်ပြန်ဖြစ်နေတယ်..." သီရိကငြိမ်းရဲ့လက်ကို ဆုပ်ကိုင်ရင်း.... "အင်း... ကလေးက အခုရွယ်မှာ လှုပ်ရှားနေတုန်းဆိုတော့ အနေအထားက မတည်ငြိမ်သေးတာတော့ ဖြစ်တတ်ပါတယ်...ဒါပေမဲ့ နင် ခဏခဏ ဗိုက်အောင့်နေတယ်ဆိုတော့ ငါလည်း စိတ်ပူမိသား...ဘယ်လိုတွေ ခံစားရလဲ ငြိမ်း ငါ့ကိုပြော ပြပါဦး..." "ပြောရရင်လေ သီရိရယ်... တစ်နေ့လုံး ဗိုက်ထဲမှာ တစ်ခုခု လာထိုးနေသလိုမျိုး၊ တစ်ခါတလေကျတော့လည်း လှုပ်လို့မရအောင်ကိုက်ခဲနေတာ...အိပ်လို့လည်း မရဘူး.. စားလို့လည်း အဆင်မပြေဘူး... ငါ တကယ်ကို ပင်ပန်းနေပြီ စိုင်းကိုတော့ ငါ မပြောပြချင်ဘူးဟယ်...သူ စိတ်ပူမှာစိုးလို့..." #ကျွန်မသူ့ကိုချစ်တယ်ဇာတ်လမ်းတွဲ #မြန်မာဇာတ်လမ်းတွဲများ #myanmarseries #Tiktok #tiktok #CapCut #Ai

Author-မမုဒြာ

Open In TikTok:

Region: MM

Saturday 10 May 2025 11:24:32 GMT