@kaeestelle_22: Andito ako sa phase ng buhay ko na mahirap. Yung tipo ng hirap na hindi mo basta maikwento sa kahit sino. Yung klase ng bigat na araw-araw mong kinikimkim, kasi wala kang mapagsabihan—o baka ayaw mo na lang ding maging pabigat sa iba. Tahimik lang ako, pero sa loob ko, ang dami-dami nang bumibigat. Ang dami-daming tanong. Ang dami-daming pagod. May mga gabi na hindi ko na rin alam kung anong nararamdaman ko. Minsan naiiyak na lang ako mag-isa, walang dahilan, o siguro masyado nang maraming dahilan. Parang ang bigat-bigat na pero kailangan pa ring ngumiti, kailangan pa ring magpakatatag. Kahit ano-ano na ang naiisip minsan, pero sa dulo, sinasabi ko na lang sa sarili ko: 'Tiwala lang. Tiis lang. Malalagpasan mo rin 'to.' Nakakapagod, totoo. Pero araw-araw, kahit papano, gumigising pa rin. Kumakapit pa rin. Pinipilit pa ring maging okay, kahit hindi naman talaga. Kasi alam kong may dulo rin ‘tong lahat. Kahit hindi ko pa makita ngayon, alam kong may araw din na mararamdaman ko ulit yung gaan, yung saya, yung kapayapaan. At sa ngayon, kahit mahirap, kahit mag-isa, kahit walang masabihan—kakayanin. Tahimik lang muna ako. Pero hindi ibig sabihin nun ay sumusuko na ako. Pinipili ko lang munang maging matatag para sa sarili ko. Dahil darating din ang araw na makakahinga ako nang maluwag, na masasabi kong, 'Buti na lang, hindi ako bumitaw. #life #lifelessons #reality #hugot #fypシ゚ #sarilimuna

kaestelle.ink✒️

Open In TikTok:

Region: PH

Monday 12 May 2025 11:53:21 GMT