@mey.jojo44: ប្រាសាទបន្ទាយក្តីមានទីតាំងនៅទល់មុខស្រះស្រង់ និងស្ថិតនៅក្បែរប្រាសាទតាព្រហ្ម។ ប្រាសាទនេះមានចម្ងាយប្រហែលជា ១១ គីឡូម៉ែត្រពីក្រុងសៀមរាប។ ដើម្បីទៅដល់យើងត្រូវ ធ្វើដំណើរតាមផ្លូវវង់តូច ខាងកើតប្រាសាទអង្គរវត្តឆ្លងកាត់ប្រាសាទក្រវ៉ាន់។ ប្រាសាទបន្ទាយក្តី្តត្រូវបានកសាងឡើងនៅពាក់កណ្ដាលទី២ នៃសតវត្សទី១២ និងដើមសតវត្សទី១៣ ដោយព្រះបាទជ័យវរ័្មនទី៧។ ប្រាសាទនេះមានលក្ខណៈស្រដៀងគ្នានឹងប្រាសាទតាព្រហ្ម ប៉ុន្តែមានទំហំតូចជាង និងមិនសូវមានភាពស្មុកស្មាញ។ ក្រៅពីក្បូរក្បាច់រចនា និងរូបចម្លាក់នៅតាមជញ្ជាំងប្រាសាទដ៏ល្អវិចិត្រ លោកអ្នកក៏បានឃើញនៅដើមឈើធំៗដែលមានអាយុកាលរាប់រយឆ្នាំ កំពុងតែដុះបង្អួតរាងបង្កើតបានជាប្លង់ថតរូបស្អាតៗជាច្រើនកន្លែង ក្នុងទីតាំងនៃប្រាសាទនេះផងដែរ។🩷