@ss_.88: Həyat bəzən bir teatr səhnəsinə bənzəyir. Biz isə bu səhnədə rolunu unudub doğrudan da acı çəkən aktyorlarıq. Kiminsə üçün bir tamaşa, kiminsə üçünsə gerçək həyat. Hər gülümsəyən üzün arxasında bitib-tükənməyən ağrılar, hər güclü görünən insanın içində parçalanan bir ruh var. Gecələr yata bilməyənlərin halını kim bilər? İnsan yuxusuzluqdan yox, düşüncələrin ağırlığından əzilir. Sükutun içində ən yüksək səslə bağıran ürəklər var. Amma heç kim eşitmir, heç kim görmür. Hər kəsin dərdi var, amma heç kim başqasının dərdini çəkmir. İnsan yaşaya-yaşaya ölür bu həyatda. Xəyallar çin olmadan solur, arzular gerçəkləşmədən puç olur. Bəzən elə olur ki, güvəndiyin insanlar sənə ən böyük yaraları vurur. Dost dediklərin uzaqlaşır, yaxın bildiklərin tanımır. Elə bil, hər kəs bir-birinin həyatından yavaş-yavaş silinir, iz qoymadan yox olur… Həyat heç kimə ədalətli davranmır. Kimi var-dövlət içində yaşayır, amma ruhu boşdur. Kimi qəlbi sevgi ilə doludur, amma dünyası qaranlıq. Ən gözəl insanlar tez gedir bu həyatdan, ən çox dəyər verənlər ən çox sınır. Hər şeyin bir sonu var, amma bəzi ağrılar ömür boyu qalır. Bəlkə də, həyat belədir öyrədir, amma qiymətini ağır alır. Sındırır, amma düzəltmir. Sevdirir, amma sonunda ayrılığı göstərir. Və insan hər şeyə baxmayaraq, yaşamağa davam edir, içindəki boşluqla, ürəyindəki yaralarla…#ss_88

🥃

Open In TikTok:

Region: AZ

Thursday 15 May 2025 18:17:42 GMT