دائما يخطر أبالكم مستوى الامان عشان نكون صادقين وصريحين معاكم مو كل مكان امن في المكسيك ، بس في الاماكن السياحيه الوضع امن بس الواحد لازم ياخذ حذره لا تدشون شارع مافيه احد يمشي او تتمشون بوقت متاخر بليل ، الشعب المكسيكي جدا طيب وخدوم ويحب يساعد واكثر شي حبينا فيهم انهم نفسنا وايد يهتمون بالعائله وتشوفونهم دائما مع بعض . المدن السياحيه في المكسيك وايد واهمها Mexico City Cancun TULUM Cozumel Plya del Carmen Cabo وفي غيرهم طبعا ، مافي مده معينه تكفي للمكسيك بس اقل شي ممكن تقعدون فيها ٨ ايام . بالنسبه للفيزا ممكن تدخلون المكسيك بثلاث فيز فيزا من سفارة المكسيك او فيزا امريكا او فيزا شنغن . افضل طيران ممكن توصلون لها طيران المكسيك من لندن التركيه او من امريكا او klm . المواصلات لاتستخدمون تكسي عادي واستخدموا اوبر يشتغل عندهم . واذا تبون تطلعون اماكن شوي بعيده افضل شي تحجزون رحلات من برنامج get your guide . افضل الفنادق في ميكسيكو سيتي Four seasons موقعه عجيب وعند الشارع الرئيسي الي فيه كل شي تقريبا او شوفوه فندق قريب منه . من الشغلات المهمه في مكسيكو سيتي بيت Frida ورحلة المنطاد وأهرامات الشمس 🌞 . اخذوا معاكم كاش دولار وصرفوهم هناك مو كل مكان يقبل الكرت . افضل موسم لها من شهر 11 الي 3 الجو حلو وبراد وتقدرون تسبحون بالبحر . عندهم مهرجان يوم الموتى يكون آخر شهر ١٠ لمدة ٤ ايام ، راح تشوفون المكسيك بشكل ثاني طبعا احنا لا نؤمن بهذا الاحتفال والطقوس بس شي حلو انكم تتعرفون على عادات وتقاليد الشعوب شنو يصير في هذه الثلاث ايام من كل سنه : - ‏Day 1 31 / 10 ليلة الساحرات ولكم حرية تخيل الوضع - - ‏Day 2 1 / 11 يوم الابرياء في ذكرى الاطفال المتوفين ويكون اغلبه اطفال ويوزعون كاكاو وحلاو - ‏DAY 3 2 / 11 اليوم الرئيسي ليوم الموتى عبارة عن كرنفال كبير اكثر من مليون شخص في مكان واحد ويمشون اي مكان معين وبعدها يشترون مخبوزات تكون مخصوصه لهذا اليوم وبعدها يروحون المقابر . ننصحكم تشوفون فلم coco من دزني راح تعرفون القصه كامله ولي شاف الفلم فاهم احنا شنو قاعد نتكلم عنه وان شاء تكون المعلومات كافيه واذا تبون تفاصيل اكثر شوفوا رحلتنا كامله في الهايلايت او دزوا لنا مسج 👍🏼 #المكسيك #مكسيك #سفر #رحلات - @fujtravel