@qoblan.alshammari: عبدالعزيز و يثمر الغصن و يميل و الشعر ينضح دره وكهرمانه وشعر ما يبدأ بـ معزي إذا قيل ما له لزوم وما لمعناه خانة عطيّة الله للصدور المماحيل و إرادة الله و إقتداره وشانه حرٍ طلع على السنين المقابيل وشابط قرانيس الهوى بحومانه شرب فناجيل و كسر فناجيل لين انتزع له بالخريطة مكانه ثار العجاج وذرين المقابيل والكل قدم درعه وعود زانه وقامت رياجيلٍ تسابق رياجيل ومعزي لحاله يسابق زمانه ما له شبيه إلا انت يا صفوة الجيل في مروته وبقوة زعيتمانه أنت أنت يا طب الكبود المعاليل يا حاكم جاء في وعده وأوانه سيف المليك الليِّ ما يحتاج تأويل سلمان سلمان الوفا و الضمانة قرت عليك حزوم نجد التراتيل وعطتك هيبات الملوك الحصانه وتزاحمت بك طيبات التفاصيل وتبلورت عز و شموخ ورصانه مال للصدف في عرض مجدك مداخيل لو ينقرا التاريخ بالشقلبانه ‏جمرٍ تشظى من جروم الدحاميل ولظىً يذوّب فضة الشمعدانه قاطع النظره ويا وافي الكيل يا كل شيء من الدهى والفطانه لك في صدور الشعب ريف ومداهيل وروضٍ يخالط ربلته قحويانه وجيشٍ يدك المحكمات المقافيل بأمرك تحرك بطشه وعنفوانه للحكم راس وللميادين زحّيل على الوطن ما يقبلون الإهانه صبح تفتك بالحذاء والتهاليل وليل تراجف سمرته برعدانة الحكم في حد السيوف المصاقيل ماهو في الخاتم ولا الصولجانه اثبت نجم واقطع سما وارق بالحيل على السحاب الليِّ بكفك عنانه تطيح روس وينصفق حلم ويعيل كل ابرق ما يعرف إلا الخيانة حنا عرب لكن إليا شعلت الخيل كل أبلجن والليِّ يعلق اسنانه من قام قمنا له قروم ومشاكيل ومن هان هان ولا رحمنا هوانه ياسيد المقبل وهاللحين وقبيل يا أمن الوطن وأمن المواطن وأمانة على سنا طلعك صدوق المخاييل و رزيم وسمٍ قام يلحى سمانه عذبٍ تطلق من يدين المساييل لين استوى خشم الطويل وطمانه ان قيل وين العلم قلت المحاصيل و ان قيل وين المرجلة قلت عانه صدقٍ يكاسر بالفعول الأباطيل و ليثٍ كسب فيه المواطن رهانه صدق يكاسر بالفعول الاباطيل وليث كسب فيها المواطن رهانه • ياسر التويجري

Qoblan Alshammari

Open In TikTok:

Region: SA

Friday 23 May 2025 11:02:55 GMT