Isang taon na ang lumipas mga bagong mukha, bagong lugar, bagong takot, at siyempre, mga bagong pangarap. Hindi naging madali ang byahe, pero nandito ka pa rin. At ngayon, papunta ka na sa ikalawang yugto ng iyong paglalakbay. Byaheng second year na. Marami ka nang natutunan hindi lang sa loob ng classroom, kundi pati na rin sa mga sitwasyong nagpaluha, nagpatawa, at nagpatatag sa’yo. Yung mga gabing halos wala kang tulog para lang matapos ang requirements. Yung mga panahong gusto mo nang sumuko kasi parang hindi sapat ang effort mo. Pero tingnan mo, nandito ka pa rin. Buhay, lumalaban, at unti-unting nagiging mas matatag. Sa byahe mong ito, mas magiging mabigat ang dalahin. Mas maraming expectations, mas mataas na pressure. Pero sa bawat hakbang, dalhin mo yung mga aral ng unang taon. Dahil hindi mo na simula lang ito isa na itong pagpapatuloy. Minsan, mapapaisip ka: “Kaya ko pa ba?” Pero paalala lang pinili mong simulan ito dahil may pangarap ka. At ang pangarap na 'yan, hindi dapat tinatalikuran. Kahit madapa ka, kahit mapagod ka, kahit mawalan ka ng gana ang mahalaga ay bumangon ka at ipagpatuloy ang laban. Second year ka na. Hindi ka na baguhan. Mas kilala mo na ang sarili mo. Mas may direksyon ka na. At kung may mga pagkakamali kang nagawa noon, ngayon ang pagkakataon para ayusin ‘yon. Hindi na muli. Tuloy lang. Huwag kang matakot sa failures dahil bahagi 'yan ng paglago. Magtiwala ka sa proseso, at higit sa lahat, magtiwala ka sa sarili mo. One year down, and you're still standing. Imagine how far you can go if you just keep going. So, ayusin mo na ‘yang backpack mo, bitbitin ang aral ng nakaraan, at sabay nating harapin ang byaheng second year mas matapang, mas buo, mas determinado. #message #quotes #inspiration #poetry #endlessjourney #life #fyp #byahe #ng #2nd #second #year ‎ ‎ - @aletterforu3