احچيلكم عن علاقتنا شويّ؟ انِا بـ2024/2/14 چنت كاعده اگلب بالتيك چانت الدنيا ليل طلعلي لايڤ ولد بقيت اباوع مَ اعرف شنو دخلت علقت وحچيت ضفته وضافني وصار بيناتنه تواصل يوم بعد يوم حسيت نفسي مُعجبة بيّ او هيچ شيء هواي چانو اكو بنات بالايڤ ويتغزلن بيّ انِا تاگلني الغيره بس مَ احچي بقيت وياه ع تواصل واتذكر مره بچيت لحد مَ نمت بسببه، والله وراها بفترة گتله شوف تره انِا احس نفسي مُعجبة بيك وحبيتك واغار عليك هوَ: بس انِا معتبرچ صديقة؟ انِا: طَيب تمام بس شسوي اذا انِا اغار عليك والغيره گاعد تاگلني؟ هوَ: تريدين نرتبط؟ مُلاحظة، انِا عُمري صغير وچنت ادرس ف هوَ اول شخص حبيته وهيچ شيء خلكمل انِا: اي خنرتبط؟ هوَ: والله ماعرف شنو أكول بس افكر واكلج، انِا: تمام يلا حنام باجر عندي مدرسة، نمت وانِا ابچي ومقهوره رحت للدوام كملت يومي عادي رجعت للبيت غسلت وكملت دروسي فتحت نت لگيت اختي مراسلته من چنت نايمه بليل مَ اهتميت فتح نت ودزلي بس انِا چنت مقهوره منه ومَ رديت بقيت معلگة المسچات بليل فتح لايڤ دخلت للايڤ بقيت اباوع وساكته وهوَ كلشويّ يگول اكو فد شخص مديحچي شبي اليوم زعلان منه انِا اعرفه يقصدني بس بقيت ساكته والله تعاركت ويَ بنيه بالايڤ هوَ سد لايڤ وراسلني بقه يحچي وهوَ معصب ويگلي شعليج بيها بچيت من كلامه ورحت نمت گعدت ثاني يوم رحت للمدرسه وانِا امذي وتضربني نسمات هوى بارده ودموعي بعُيوني شفت صديقتي اجتني مسحت دموعي واخذت نفس عميق، رحت سلمت عليها تبارك: ها شلونج انِا: بخير حبيبي الحمدلله تبارك: حضرتي للامتحان؟ انِا: شنو يا امتحان مَ درست كُلشي تره تبارك: ميخالف انِا اغششچ تبارك: شبيج مو ع بعضچ؟ انِا: بچيت بس ردت احد يسألني حضنتها وبچيت وحچيتلها كُلشي تبارك: ولج لا تبچين صدگيني يحبچ بس مايبين انِا: لعد ليش يعصب علية من وره بنيه؟ تبارك: مَ عرفت شنو تكول گالت يلا وصلنا خلي نطب اخذت نفس عميق، وطبينا ع صف كملت يومي اعتيادي وجاوبت بالامتحان رجعت للبيت ملهوفة ع تلفون فتحت التلفون وشفت مسچ منه كاتب بيّ،،،، أكمل؟ #A - @5e.ur_