‏هي عظيمه بس والله مادريت إنها عظيمه ‏لين قالو مايعرف الحاجه إلا من فقدها ‏ㅤㅤ ‏قمت اشك ان رمشها غيمه وهو ماهو بغيمه ‏وقمت اشك إن الهوى وهو الهوى يوجع جسدها ‏وقمت اشك ان ريحها ريح مطر ولا نسيمه ‏وقمت اشك إنها كذا من يوم كانت في مهدها ‏ من غلاها اعتبرها مثل الأحجار الكريمه ‏وضعت بين اعظم مفاتنها وتسريحة جعدها ‏في بعض الأحيان كنها ترتكب فيني جريمه ‏بالدلع و الضحكه وبعض الأمور أمرّ وادها ‏ثوبها الي تلبسه ذنبه مثل ذنب النميمه ‏خل عاد ان مال مبريها من اللين وجحدها ‏ㅤ ‏بنت رجالٍ مضرّيها على ذب الخريمه ‏كثر مافيها حيا كن الحيا فيها وحدها ‏ㅤ ‏كل يوم تقول ذا البنت معزومه في عزيمه ‏كل حاجه تلفت الانظار كنها تعتمدها ‏اللتفاتتها غنيمه وابتسامتها غنيمه ‏من اللي باقي من بنات ادم وحواء ماحسدها ‏ㅤ ‏قد وصلت لمرحله فيها الطواري مستديمه ‏اي شاعر لاتغزل قلت يمكنه قصدها ‏ㅤ ‏حبها نارٍ حياتي فيه ماكله من جحيمه ‏عندها اصابع يدي ماني عارف كم عددها ‏والله ان حبي لها سليم والنيه سليمه ‏من قبل تعرف أبو بنتها و أبو ولدها ‏اول ايام الهوى كانت علاقتنا حميمه ‏واخر الايام صارت تنتقدني وانتقدها ‏رغم كل اللي كتبته فرحتي فيها يتيمه ‏ماهو بمرضيني إلا قلبها من عند يدها ‏في هواها ماكتبت الا غزليه قديمه ‏وحده ويمكن ماعاد اكتب غزليه بعدها #f #شعر #fyp #4u #مطرف_شارع - @3fbf