@marwacaptain: � شنو يعني الرجوع للخلف؟ يعني تحركين سيارتج بالعكس (Reverse) — مثلا حتى تركنين بمكان ضيق أو تطلعين من موقف. 🔑 خطوات الرجوع للخلف: 1️⃣ شغلي الإشارة أو الهزارد: حتى تنبهين الناس حوالينج إنو راجعة للخلف. 2️⃣ رجليچ عالفرامل: قبل لا تنقلين الجير لـ R، اضغطي فرامل حتى تثبتي السيارة. 3️⃣ انقلي الجير لـ R: تأكدي إنو الجير على Reverse، وارفعي رجليچ شوي شوي عن الفرامل. 4️⃣ انظري للخلف: احسن شي تلفين راسج وتشوفين الزجاج الخلفي + المرايات الجانبية، حتى تعرفين المسافة والزوايا. 5️⃣ حركة السيارة هادئة: لا تدوسين بنزين قوي! خلي الحركة على خفيف وكوني مسيطرة. 6️⃣ لفي الستيرن بهدوء: حسب اتجاه الرجوع، إذا تريدين مؤخرت السيارة تروح يمين، لفي الستيرن يمين؛ إذا تروح يسار، لفي يسار. 7️⃣ راقبي المسافة: كل شوي شيكي المسافة حتى لا تصدمين أي شي وراچ. 8️⃣ ارجعي للوضعية الأمامية: إذا كملتي الرجوع، وقفي السيارة، رجعي الجير لـ D أو P حسب الحاجة. ✅ نصيحة كابتن مروة: أهم شي بالرجوع للخلف إنو تبقين هادئة وعينج تراقب المكان وراچ 100% ولا تستحين من النزول تتأكدين من المسافة إذا شكيتي بيه #تدريب_قيادة_بنات #كابتن_مروة_لتعليم_قيادة_السيارات #تعليم_سياقة_بنات #قيادة_بثقة
