MISIS SA BOHOL, HULI ANG MISTER NA KASAMA ANG DIUMANO KALAGUYO NITO SA DATI NILANG APARTMENT?! “Magka-team kami ng partner ko sa call center na pinapasukan namin noon. Nag-start kami magchat sa isa't isa. Nagustuhan ko siya dahil too good to be true siya. ‘Yung love na hinahanap ko, binibigay niya talaga. Kaya nahulog talaga ang loob ko sa kanya. After 6 months, naglive-in kami at kalaunan, kinasal din. Nagkaanak din kami. Sa pangalawang anak namin, maselan ‘yung pagbubuntis ko at doon din nag-start ‘yung pagbabago niya– ‘yung panlalamig at pagiging inconsistent niya. Nagsimula na siyang mag-joke sa'kin ng masasakit. Pinagsasabihan niya ‘yung anak ko na, ‘Huwag mong i-love si mommy ha, maghahanap na lang tayo ng ibang mommy.’ Kaduda-duda na rin ang mga kilos niya noon. 4 times a day siya nagsi-CR tapos umaabot siya ng 1 hour sa loob ng banyo. Kapag umuuwi rin siya galing sa trabaho, palagi lang siyang nagse-cellphone. May nagsabi rin sa’kin noon na bantayan ko ‘yung asawa ko kasi nagkakamabutihan daw sila nung partner niya. May nangyari na raw sa kanila. Kinonfront ko ‘yung asawa ko. Todo deny siya at wala raw talagang namamagitan sa kanila. Hanggang sa nakita ko ‘yung profile picture ng babae, parang ‘yung background ay apartment namin dati. Kapatid ko ang isinama ko at pumunta kami sa dati naming bahay. Pagdating ko doon, hinarangan kaagad ako ng asawa ko. ‘Yung babae niya, pumasok sa kuwarto kaya nagpumilit akong makapasok din. Hanggang sa nakita ko na siya. Nangibabaw talaga ‘yung galit ko. Actually, nagkakila na kami dati nung babae, July 2024. Nilaro pa nga niya ‘yung anak ko. Hindi ko naman alam na pati pala ‘yung asawa ko, nilaro niya rin.” - Alyas ”Grace”, misis HANGGANG SAAN NGA BA DAPAT KUMAPIT SA RELASYON? ANO RIN BA ANG KARAPATAN NG MGA LEGAL WIFE SA GANITO KASALIMUOT NA PAGSASAMA? PAG-USAPAN NATIN NGAYONG LINGGO SA #KMJS. - @kmjs