အီရန်ရှိ နျူကလီးယားစခန်းသုံးခုကို အမေရိကန်လေတပ်က ဗုံးကြဲတိုက်ခိုက်ခဲ့ အမေရိကန် စစ်လေယဥ်များက အီရန်နိုင်ငံရှိ နြူကလီးယားစီမံကိန်း စက်ရုံများရှိရာ သုံးနေရာအား ယနေ့မနက်က ဝင်ရောက်ဗုံးကြဲတိုက်ခိုက်ခဲ့ကြောင်း သမ္မတဒေါ်နယ်ထရမ့်က ကြေညာလိုက်သည်။ အီရန်ရှိ တောင်တစ်ခုအောက်တွင် ပေရာပေါင်းများစွာတူး၍ တည်ဆောက်ထားသည့် ဖော်ဒိုအမည်ရ နြူကလီးယားစီမံကိန်းနေရာကို အမေရိကန်ပိုင်ဆိုင်ထားသည့် ဗုံးကြဲလေယဥ်များဖြင့် ပေါင်သုံးသောင်းအ လေးချိန်ဗုံးများအသုံးပြုကာ တိုက်ခိုက်ခဲ့ခြင်းဖြစ်သည်။ အမေရိကန်က ဝင်ရောက်တိုက်ခတ်ခဲ့သည့် ပစ်မှတ်သုံးနေရာတွင် နှစ်ခုမှာ အီရန်နိုင်ငံ၏ ယူရေနီယံသန့်စင်ထုတ်လုပ်ရေး စခန်းကြီးများဖြစ်ပြီး ပထမတစ်ခုမှာ ဖော်ဒိုတောင်အောက်စခန်းဖြစ်ကာ၊ ဒုတိယတစ်ခုမှာ နတ်တန့်ဇ် ဒေသရှိ စခန်းဖြစ်သည်။ ဒုတိယမြောက်စခန်းသည် ပိုမိုကြီးမားသည့် ယူရေနီယံသန့်စင်စခန်းဖြစ်ပြီး ထိုနေရာအား အစ္စရေးတိုက်လေယဥ်များက လွန်ခဲ့သည့်ရက်ပိုင်းက ဗုံးကြဲတိုက်ခိုက်ခဲ့သေးသည်။ အမေရိကန်က အီရန်ကိုတိုက်ခိုက်လာပါက အရှေ့အလယ်ပိုင်းရှိ အမေရိကန်ပစ်မှတ်များအား လက်တုံ့ပြန်သွားမည်ဟု အီရန်ဖက်ကပြောဆိုထားပြီး၊ အယာတိုလာအလီခါမီနီကလည်း ၎င်းကျဆုံးသွားပါက ၎င်းကိုဆက်ခံရန် လူသုံးဦးကို ရွေးချယ်ထားပြီးဖြစ်ကြောင်း ယမန်နေ့က သတင်းထုတ်ပြန်ခဲ့သည်။ #W2MM #TodayUpdate #PeopleNews #DailyNews #iran #america - @world2mm6