شلون تغير نظرتك للحياة؟ خليك وياي لأن هل كلام ذا فهمته راح تتغير نظرتك عل حياة ١٨٠ درجة. اعتبر نفسك انحكمت بأمر قضائي بالإعدام بعد شهر من تاريخ صدور الأمر يعني اطلع القاضي خلالك حر طليق وبين ما يعجبك تروح روح ويتنفذ بيك الحكم بعد شهر شنو راح تسوي بهل حال... اعتبر نفسك مريت بثلاث مواقف كل موقف راح يغير نظرتك. الموقف الأول اسمه (زينة الحياة الدنيا) اجاك شخص وعرض عليك وظيفة جنت تحلم بيها شنو راح يكون ردك؟ أكيد راح تباوعه وتكله: خوية شسوي بيها انا وره شهر ورايح ختولي وانت قبل يجوز جنت تأخر صلاتك علـمود تكمل دراسة للحصول على وظيفة زين الموقف الثاني اسمه (التسامح والعفو) اجاك شخص وسبك أو ظلمك شنو راح يسوي بيك تروح تشيل بكلبك عليه وتحاول تنتقم، هسة راح تكون ردة فعلك: ها رايح ما تسوه اختم حياتي بغضب او خلص خليه يسامحه الله يكفي العافين على الناس وانت قبل ذا واحد غلط عليك تكلب الأمة ومحد يوقفك وفكرة المسامحة والعفو حاذفن من بالك الموقف الثالث اسمه (الابتعاد عن الذنوب) اجاك صديق قديم جنت متعود تسوي وياه ذنب معين اجاك وكالك تعال نسوي الذنب الفلاني شنو راح تكله أكيد راح ترفض وتكله بعد أخوك انا مقبل عل موت وما اريد اواجه الله واني مذنب وانت جنت يومية ذنوب ومعاصي . الشي الخامس اسمه (الإقبال على العبادات وفعل الخير) يجوز انت قبل كانت الصلاة عندك آخر همك ويجوز انت تصلي صح بس مو بموعدها أو تصليها بسرعه ومرات ما تصلي لكن بعد اللي صار وياك وسالفة الشهر أكيد راح تنتظر حلول الصلاة بالثانية وقد تصلي النوافل وحتى صلاة الليل وراح تسارع لفعل كل خير وتطير طيور لهل شي وراح تبتعد عن كل محرم الموقف الخامس اسمه (قيمة الوقت والعلاقات) أنت يجوز جنت عل خلاف ويا صديقك أو أخوك على شي تافه وما يسوه وكذلك تضيع وقتك عل جهاز الموبايل وتصفح دون فايدة نابي وقتك ونفسك وتضيعهن بمشاهدة المباريات والأفلام والمسلسلات بينما بالشهر اللي سولفنه عليه أكيد راح تروح لصديقك أو أخوك وتبادر بالاعتذار حتى لو جان هو المخطأ وراح تشوف الدقيقة أهم من الذهب لأن عرفت قيمة الوقت وعفت كلشي يضيع وقتك بلا فايدة شفت شلون نظرتك تغيرت بهذا الشهر لكل الدنيا؟ هسه تعال نسولف بين الواقع والشهر اللي افترضناه مبدئيًا كلنه محكومين بالإعدام هذا حكم إلهي قطعي (كل نفس ذائقة الموت) بس شنو الفرق؟ الفرق هو بالشهر انت تعرف موعد حكمك فـتكون متأهب لهل شي بينا الحياة الواقعية أكيد لا انت محكوم وما تعرف يمته ينفذ الحكم يجوز هسه يجوز بعد ساعة، يوم، أسبوع، شهر فـ شنو الأخطر؟ الشهر اللي تعرف موعد حكمك بي؟ أو اللي متعرف يمته؟ أكيد الموعد اللي ما تعرف موعده فـ إذا كل ثانية تمر عليك حالياً هي فرصة بنفس الوقت إنذار إلك. - @1i9oe