##လောဘနည်းချင်လျှင် ဒီနေ့ညကုသိုလ်အနေနဲ့ ဆရာတော် အရှင်ဆန္ဒာဓိက ရွှေပါရမီတောရ ဆရာတော်ရဲ့ အလုပ်ပေးတရားနဲ့ ထိုင်ဖြစ်ပါတယ်။ တရားတော် မဆုံးခင်လေးမှာ ဆရာတော် ဟောကြားသွားတဲ့အချက်လေး သိပ်ကြိုက်လို့ ပြန်မျှဝေပါရစေရှင်။ တရားထိုင်ရင် လောဘနည်းတယ်တဲ့။ ပုထုဇဉ်ဖြစ်တဲ့အတွက် အရိယာပုဂ္ဂိုလ် တစ်ယောက်လိုတော့ အပြီးတိုင် မစွန့်နိုင်ဘူးပေါ့။ သို့ပေမယ့် မတော်လောဘနည်းသွားတာတော့အမှန်ပါဘဲ။ လောဘကတော့ ရှိကြမှာဘဲ။ လိုအပ်သလောက်လေးဘဲ ထိုက်သင့်တာကို တပ်မက်မှုရှိနေတော့မှာတဲ့။ တရားအားထုတ်ခြင်းရဲ့ လက်တွေ့ရလဒ်ပါဘဲ။ ဝေနှင်းဖြူ အရင်က … လိုအပ်တာရော မလိုအပ်တာရော နေ့ဖို့ ညစာတွေရော နောက်နှစ် နောက်လ နောက် …နောက် …ဆိုတဲ့ …မသေချာ မရေရာတဲ့ နောက်များစွာအတွက် လောဘရှိခဲ့တယ်။ နေ့ရက်တိုင်းမှာ တရားထိုင်တဲ့အလေ့အကျင့်ကို စတင်ပြီးတဲ့နောက်ပိုင်း နေ့ရက်တိုင်းမှာ တရားမဖြစ်မနေနာယူတဲ့ အလေ့အကျင့် စတင်ပြီးတဲ့နောက်ပိုင်း … အဓိကနဲ့ သာမည ပေါင်းများစွာကို ခွဲခြား တတ်လာတာတော့အမှန်ပါဘဲ။ လောဘလုံးဝမရှိတော့ဘူးလို့ မပြောရဲပါဘူး။ပြောရင် လိမ်ရာကျမှာပါ။ လောဘရှိသော်လည်း လောဘနည်းလာတာ လိုအပ်သလောက်ဘဲ လောဘရှိတော့တာ အမှန်ပါဘဲ။ သောကနဲ့ပတ်သတ်လို့လည်း ထို့အတူပါဘဲ။ ဖြစ်ပျက်တွေဘဲ နေ့စဉ်ကြုံရသမျှ မမြဲခြင်းတွေဘဲ။အနတ္တရဲ့သဘောအရ ကိုယ်ပြုပြင်လို့ မရတဲ့အရာတွေအပေါ်မှာလည်း အင်မတန် သောကနည်းလာတာ တရား ထိုင်ခြင်းရဲ့ လက်တွေ့အကျိုးတွေပါဘဲ။ ဒါ့ကြောင့်လည်း တရားထိုင်ခြင်းဟာ နေတတ်ဖို့နဲ့ သေတတ်ဖို့လို့ သစ္စာရွှေဆည် ဆရာတော်ဘုရားပြောခဲ့တာ သိပ်မှန်လွန်းပါတယ်။ အရှင်ဘုရားတို့ရဲ့ တရားဓမ္မ အဆုံးအမတွေကို နာခံပြီး.. လောဘ သောက နည်းနိုင်သမျှနည်းဖို့ နေတတ်ဖို့ သေတတ်ဖို့ အမြဲမပြတ်ကြိုးစားပါ့မယ်အရှင်ဘုရား🌸🙏🏼 #ဝေနှင်းဖြူ - @waihninphyu170