کبھی سوچا ہے کہ جب دنیا کے سارے دروازے بند ہو جائیں، تو کون سا دروازہ ہے جو ہمیشہ کھلا رہتا ہے؟ وہ ہے سجدے کا دروازہ، جہاں نہ وقت کا قید، نہ حالات کی شرط۔ وہاں صرف تو اور تیرا رب ہوتا ہے، اور وہ رب تیرے ہر آنسو کو لفظ بننے سے پہلے سمجھ لیتا ہے۔ ہم انسان اکثر لوگوں سے اپنے دکھ بانٹتے ہیں، مگر وہ یا تو سن لیتے ہیں، یا اگلے کو سنا دیتے ہیں۔ لیکن نماز وہ جگہ ہے جہاں سُننے والا صرف سنتا نہیں، بلکہ دل کا بوجھ بھی اتار دیتا ہے، سکون بھی دیتا ہے، اور راہ بھی دکھاتا ہے۔ بس یقین رکھنا پڑتا ہے کہ کوئی ہے جو تجھے ٹوٹا ہوا بھی قبول کرتا ہے۔ نماز میں وہ طاقت ہے جو خاموشی میں چیخ بن کر دل کے ہر درد کو رب تک پہنچا دیتی ہے۔ انسان بےبس ہو سکتا ہے، حالات ظالم ہو سکتے ہیں، لیکن جب ماتھا سجدے میں لگتا ہے، تو تقدیر بھی جھک جاتی ہے۔ یہی تو عبادت کا کمال ہے کہ رب کے سامنے جھکنے والا کسی اور کے سامنے کبھی نہیں جھکتا۔ پریشانیاں سب کو آتی ہیں، مگر کچھ لوگ بکھر جاتے ہیں، اور کچھ سجدے میں سنور جاتے ہیں۔ فرق صرف اتنا ہے کہ کسی نے رات کی تنہائی میں رب کو اپنا رازدار بنا لیا، اور کسی نے دنیا والوں کو۔ جس دن تو نماز میں اپنی حالت بیان کرے گا، رب تجھے اس حال سے نکال دے گا جو دنیا سمجھ بھی نہیں سکتی۔ کبھی کبھی زندگی میں سب کچھ ہوتے ہوئے بھی دل خالی لگتا ہے، اندر شور ہوتا ہے، باہر خاموشی۔ ایسی حالت میں نماز وہ ذریعہ ہے جو اندر کی ٹوٹ پھوٹ کو جوڑ دیتی ہے۔ وہ رب تیری خاموشیوں کو سن کر، تجھے وہ عطا کرتا ہے جو تیری دعاؤں میں بھی شامل نہیں ہوتا۔ دنیا تھکانے دیتی ہے، رشتے آزمانے لگتے ہیں، اور انسان خود سے بھی دور ہو جاتا ہے۔ ایسے میں نماز وہ پناہ ہے جہاں بندہ خود کو دوبارہ پا لیتا ہے۔ وہاں رب اسے یاد دلاتا ہے کہ تُو تنہا نہیں، تُو بےبس نہیں، تُو میرا ہے — اور میں تجھے کبھی اکیلا نہیں چھوڑوں گا۔ #fyp #viral #foryoupage - @dannie_here