@abdu.927: ትሑቱ እና ደጉ ረሱል (ሰ.ዓ.ወ ) አንድ ቀን እኩለ ቀን ላይ በረሀ አቋርጠው ወደ አንድ ቦታ እየሄዱ ሳለ ።እጅግ ሞቃት በሆነው በረሃ ውስጥ አንዲት አሮጊት እቃዋን በጭንቅላቷ ላይ ተሸክማ ስትሄድ አዩ። ወደ አሮጊቷም በመሄድ ከሴትየዋ እቃውን ወስደው ተሸክመው ሄዱ ነብዩ (ሶ.ዐ.ወ) ሴትየዋን ወዴት እንደምትሄድ እና ለምን እንደምትሄድ ጠየቋት ? አሮጊቷም ሙሐመድ የተባለ ጠንቋይ በከተማው ውስጥ እንደገባ ሰማሁኝ ይህን እንደሰማሁኝ ከዚህ ከተማ ለመውጣት ወሰንኩኝ በማለት መለሰችላቸው ነብዩ (ሶ.ዐ.ወ) በጣም ታጋሽ እና ደግ ስለነበሩ ምንም ቃል ሳይናገሩ ያዳምጡ ነበር። አሮጊቷ ሴት ለምን ከተማዋን ለቅቃ እንደምትሄድ ስታማርር ቆየች። ነገር ግን ከተማውን ለቃ የምትወጣበት መሰረታዊ ምክንያት ከጎኗ እየሄደ ስለነበረው መሐመድ (ሶ.ዐ.ወ) የነበራት የተሳሳተ ግንዛቤ ነው። አሮጊቷ እና ነቢዩ (ሰ.ዓ.ወ) ጉዞዋቸውን ቀጠሉ ነቢዩ እየተራመዱ ሳለ ፣ይህ ወጣት ትህትና እና ብሩህ ፈገግታ ፊቱ ላይ እንዳለው እና ላቡ ሽቶ ፣ሽቶ እንደሚሸት አስተዋለች። በዚህም በጣም ተገረመች። መድረሻው ላይ እንደደረሱ ነቢዩ (ሶ.ዐ.ወ) የተሸከሙላትን እቃ አስቀምጠው ሊሄዱ ሲሉ አሮጊቷ "አንተ ደግ ሰው እባክህ ቢያንስ ስምህን ንገረኝ አለች። እርሳቸውም እንዲህ ሲሉ መለሱ "ከከተማው ለቀው የወጡበት ሰው እኔ ነኝ በማለት መለሱላት " አሮጊቷም ይህን ጊዜ በጣም ተገረመች እና እንዲህ አለች እንደዚህ አይነት ደግ ፣ረዳት እና እውነተኛ ሰው መቼም ሊሳሳት እንደማይችል ተናገረች እናም እስልምናን ተቀበለች ። ..