طبعاً اول شي سلام عليكم بنوتاتي الحلوات البارت الاول هذا 🥹 اليوم حابة اسولف وياكم شي كلش حلو واصلاً غير حياتي 180 درجة وهو ( تعارفي اني وخطيبي محمد 💕🙈) طبعاً هي البداية جان بيوم 11 بشهر 5 جنت داخلة على لعبة (مو ببجي) جنت دالعب طبيعي اني وتيم عشوائي ف دنلعب طبيعي محمد جان وحده داخل ف شافني بس اساعد التيم مالتي ف هو ركز عليه لان بس اموت احنا نخسر وبما أنو محمد مايحب الخسارة ف صار كلما يشوفني يكتلني اني بالبداية ضجت هواي لان بس مركز عليه بس بعدين كتب بالشات مال اللعبة اشتري شغلة حتى اساعد تيمي وشكرته واشتريتها وصرت اساعد تيمي اقوى بحيث ما يموتون لدرجة صرنا اقوى منه وهو كلب الطاولة علينا وفاز ورا ما خلص الكيم راسلني حتى مثل افيده ويفيدني يريدني ندخل دو (بس اني ويا) بالسيزن الجديد حتى نتصف على بغداد ف بعدين اخذت يوزره بالانستا واخذتنا السوالف بيوم 12 بشهر 5 ضلينا سهرانين نسولف وشكد هو مغرور بنفسه وحجاله عن شغلة بطريقة مبسطه كوني بعدني جديدة ويا وحجالي عن مواهبه وستايله وشكد هو ثكيل كلش ويا البنات وماينطيهن وجه وتكدرون تكولون بارد كلش وياهن ف شافني بالهايلات مالتي وكلي كلش جميلة وتحبين تصورين نفسج هواي بعد ما حجينا هواي وتعرفت عليه اكثر وحجالي عن عمره ومواليده وطوله والشغلات الي يحبه وتكسبه بصعوبة والي تخسره بسهولة وبعدين اخذتنا السوالف بديت شوية شوية انعجب بي كونه محترم هواي وما قلل مني تلقائياً بلكت شكو احد غريب عليه وبقيت بس صديقاتي وهو بعد شكم يوم صادف بيوم 14 بشهر 5 جنا نلعب اني ويا سوية كوني اغلب يومي جان ويا ف سألني انو اذا اني معجبه بي ف اني خجلت ونكرت بس بداخلي كلش فرحانة وجنت اريد اكله اي وحيل بس ستحيت ابادر ف بعدين هو سكت وكلي مو مشكلة انطيج وقت وتكدرين تكسبيني بكذا شغلات ف بساعة 2:53 اعترفتله واني ميته خوف وخجل يمكن انرفض وتصيرلي صدمة بس هو جان نايم ف كلت مو مشكلة من يكعد هو يقراها بس بعدين اني انصدمت صدمة انو بشكم دقيقة هو كعد وقره رسالتي واني كلبي جان يدك بشكل مو طبيعي وكتبلي كليشة مليانه بمشاعره وشكد هو هايم بعيوني وشكد يحب ملامحي وحافظ كل تفاصيلي حتى رموشي حافظهن وشعري شكد يحبه ومستعد يحارب الكل علمودي لخاطر ضحكتي لان اني ما اهتميت بفلوسه ولا سياراته ولا حساباته العالية حبيته اله لشخصيته لطبيعته الحلوة لملامحه لشكلة لتصرفاته لحنيته بعدين وراها بدت قصة حبنا بس بحدود كونا بعدنا ما بينا شي رسمي ف بمرور الايام كثرنا لعب سويه وسوالف وضحك وغزليات بس قليل لان مانريد حرام بينا ف وراها بشكم يوم كلي راح احضرلج هدية كلش راح تعجبج وهي جانت 5/19 خابرني كلي كعدي يم ابوج بحجة تسولفين ويا وسمعي ف خابر ابوية حتى يجي يتقدم وابويه صح بالبداية ما وافق وعاند شوية بس محمد ما استسلم وكومة مشاكل صارتلنا بهل يوم بس محمد ما فكر يستسلم ويخليني لغيره رجع وبنفس اليوم خابر على ابوية وجاب اهله وعشيرته وكومة ناس حتى يتقدمولي وابوية بعد اقناع ومحاولات قبل وقرو الفاتحة ورحنا عقدنا سيد ومحكمة وانتهى يومنا بأحلى شي صار والفرحة جانت ما توسعني وصديقاتي كلهن باركن اليه #CapCut #مالي_خلق_احط_هاشتاقات #علاقات #خطوبة #ترند #pov #Love #محمدي #محمد #m #M #زواج #حب #الشعب_الصيني_ماله_حل😂😂 #g #حبيبي #G #ترندات - @sf72c