مشتاقتلج يا قطعة من روحي 😔 جانت لاخر انفاس تسأل علية وعلى دراستي كل الوقت جانت تدعيلي رغم مرضها وتدعيلي وما شفت شي منها مو زين جانت مثل امي جانت تروح للسوك تذكرني بكلشي تجيب اشياء احبها اشياء ما محتاجتها واشياء محتاجتها جانت وين ما تروح تحجي بية وما ترضى علية جنت اكعد وياها واسولفلها شنو ببالي وجانت تسمعني وتنصحني تأيدني بكلشي احجيلها عليه جانت تدعيلي اخلص دراسة واتعيين وتكلي اريد محبس ذهب منج يا روحي هي عيوني الها اخر كم شهر جانت مريضة وما تكدر تنام زين اكعد الكاها كاعدة تكلي ها يروحي كعدتج؟؟ اكلها لا يابة صدك جذب انت كليلي محتاجة شي ؟ بيج شي؟ جانت تكلي لا تخافين ما بية شي جنت اخاف عليها كلش من هاليوم جنت ادعي الله يكومها بسلامة حبيبة روحي جنت اكعدها لصلاة الفجر وهي بسرعة تفز مثل الامهات بس من جانت تتأخر جان كلبي يوكف جنت اخاف بيها شي واخر شي تكعد وما بيها شي حبيبة عيوني مشتاقتلها مشتاقة لكعدتها ولسوالفها ولضحكتها جانت انسانة قوية وصبورة وحنونة وكلها تحبها جانت مؤمنة تصلي العليها والي ما عليها وجانت كل طلعاتها للزيارات جانت كلش تحب اهل البيت عليهم السلام وتروحلهم لاخر ساعة بصحوة الموت كعدت وصلت صلاة ما ادري شنو جانت وجانت تكول هذة اجة منو اجة؟ تكول صاحب الزمان اجاني وراها بشوية فارقت الحياة 💔 ما استوعبت كل الناس تبجي واني دموعي ما يقبلن ينزلن كلها تضن اني ما احبها بهالفعل بس محد يعرف اني ابد ما مستوعبة اللهم لا اعتراض على امرك بس لحد الان اكول راحت للزيارة او مكان ثاني ومن استوعب اصفن ومرات انهار اروح لمكانها وانهار بجي اكللها ليش عفتيني وحدي مو جنتي تردين تشوفين اطفالي؟ مو جنتي تردين تشوفيني متعينة وترديني اشتريلج محبس ذهب؟ وينج وين كل سوالفج وين كلامج وياي اني كلش مشتاقتلج محد حنين بعدج هواي اشياء صارتلي اتمنيت لو انتي موجودة واسولفلج واخذ رأيج بعد كم شهر تخلص اول سنة بدونها سنة من الضياع لاشخاص يحبوها ومتعلقين بيها … الفاتحة الى روح المرحومة : فطومة بنت كظيمة - @dohas57