@3fbf: ‏وقفي لين الزمان يمرّنا بأربع فصوله ‏الثواني مستحيل انها تكون اللي بقى لي ‏يوم جيتي كان ياكثر الكلام اللي بقوله ‏ويوم قمتي ما لقيت من الكلام الا تعالي ‏يا ثمر قلبٍ وهبك اللّٰه مرابيه وميوله ‏ انتي الدنيا واهلها كلّهم وانا لحالي ‏ان ذبحتيني جعل روحي فدا العين الخجوله ‏وأن عتقتيني جعلت الليله اعزّ الليالي ‏ما بعد هزّ الندم قلبي على شيٍ يطول ‏لين شفت النظره المتكلمه ترثع بحالى ‏جعل يسقى يوم كان الوقت ينساب بسهوله ‏ودقة الساعه تمر اسماعنا ولا نبالي ‏سلّميني صوتك الممسوك انا سيّد وصوله ‏ من متى والصمت يغلب نبرتك على وصالي ‏واسأليني ليه اهاب بطلّتك وانتي جفوله ‏ وليه لا مني تباطيتك طرى لي ما طرى لي ‏وعلميني من عطا شمس الشتا وجهه وزوله ‏ ومن رسم ظُله على الشاطي وهو ماسك ظلالي ‏وجهك اللي مستعد اعيش له واموت حوله ‏يا كثر مافي تفاصيله وجودي وانعزالي ‏ والعيون اللي قبل شوفك من الدنيا ملوله ‏ صار يملاها الشغف حتى وانا اشوفك قبالي ‏الحظيظ اللي لقى بعيونك النجلا قبوله ‏من يلومه لا زهد في الامنيات وفي الليالي ‏لا المحبّه طاوعتني في زعلك ولا الرجوله ‏غاليه يا الدمعه اللي ما تطيح الا لغالي #f #foryou #explore #شعر #ناصر_مناحي

ّ

Open In TikTok:

Region: SA

Monday 21 July 2025 20:43:47 GMT