foxgrl67 :
*Qalbi Daacad Ah oo Si Fudud Loo Dhaawacay*😭
Waxaan ahay qof qalbi daacad ah, mid si dhab ah u jecel, laakiin nasiib darro waxaa iga dhacday in qalbigeyga la dhaawaco si fudud. Mararka qaar waxaan isku dayaa inaan iska ilaaliyo dhaawacyada, laakiin qalbigu waa jilicsan yahay, oo mar walba wuu dareemaa xanuunka, xitaa marka ereyo yar la yiraahdo ama fal aan la filayn la sameeyo.
Jacaylka aan bixiyo waa mid aan shuruud lahayn, daacadna ku dhisan, balse dadka qaar ma fahmaan qiimaha qalbigaas. Waxaan mararka qaar dareemaa cidlo iyo kalinimo, iyadoo aan garanaynin sida loo bogsiiyo dhaawacyada gudaha iga jira. Qalbigayga oo jeclaa, laakiin la khiyaamay, la iska indho-tiray, marna la qasbay inuu aamuso marka uu doonayo inuu hadlo.
Waxaan qarinayaa murugada gudaha, aniga oo isku dayaya inaan ka dhigo qof adag, balse dhab ahaantii waxaan ahay mid jilicsan, jecel in la fahmo oo la qadariyo. Waxaan rajeynayaa maalin uu qalbigeygu bogsado, oo xanuunka laga takhaluso, isla markaana la helo qof qalbiga iga ilaaliya dhaawacyada oo aan aniga uusan marnaba dhaawicin.😭inzhlah
2025-07-25 12:23:33