زکرێک لە کۆمێنت بنوسە وێنەکەت پێدەگات مۆرگە ئەو شوێنەیە کە جەستەی مردووی تێدا دەپارێزرێت و بۆ یەکەمجار لە ساڵی ١٨٠٤ لە پاریس دەرگاکانی بەڕووی خەڵکدا کردەوە، مۆرگەکە لە دۆخێکی باشدا بوو بۆ وەرگرتنی مردووەکان. زۆرێک لەو تەرمانەی کە لە شەقامەکانەوە هەڵگیراون و ناسنامەیان نەدەناسرا، بۆیە ڕێگە بە خەڵک دراوە بچنە ژوورەوە بۆ ئەوەی یارمەتی بدەن لە ناسینەوەیان. مۆرگەکە حەوت ڕۆژ لە هەفتەیەکدا کراوە بوو، لە بەیانییەوە تا کاتژمێر ٦ی ئێوارە، زۆرێک لە دانیشتوانی پاریس لەگەڵ گەشتیارەکاندا بوونە سەردانیکەری بەردەوام. سەرەتا تەرمی مردووەکان پشکنینیان بۆ کرا و دواتر لەسەر تەختەی مەڕمەڕی ڕەش بردرانە دەرەوە بۆ نمایشکردنی گشتی لە کاتێکدا هەندێکیان هێشتا ئەو جلانەیان لەبەردا بوو کە تێیدا دۆزرایەوە، زۆربەیان ڕووت بوون , تەنها پۆشاکی چەرم لەسەر ئەندامی زاوزێیان دانرابوو. جلوبەرگەکانی دیکە - پاڵتۆ، پێڵاو، تەنانەت چەتریش - لە سەرەوە یان لە تەنیشت جەستەیەوە هەڵواسرابوون. بەو پێیەی تا ساڵی ١٨٨٢ مۆرگەکە لە ساردکەرەوەدا نەبووە، ئاوی سارد بەردەوام لە سەقفەوە دڵۆپ دڵۆپ دەهاتە خوارەوە بۆ پێستی مردووەکان. لە یەک کاتدا ٥٠ سەردانکەر لە دەوری پەنجەرە گەورەکاندا کۆدەبوونەوە کە ڕوویان لە تەختەکان دەکرد، بۆ ئەوەی چاویان لێبکەن و قسە لەسەر تەرمەکان بکەن. بەزۆری مردووەکان دوای سێ ڕۆژ دەبوو دەربهێنرێن بەهۆی شیبوونەوە. ڕۆژنامەکانی پاریس زۆرجار قسەیان لەسەر ناسنامەی مردووەکان دەکرد ، و هەندێک لە تەرمەکان بەناوبانگ بوون و لە ڕۆژێکدا تا ٤٠ هەزار کەس دەچوون. دواجار مۆرگەکە لە ساڵی ١٩٠٧ بەهۆی نیگەرانییە ئەخلاقییەکانەوە بەڕووی خەڵکدا داخرا، ئەمەش سکاڵای ناوخۆیی و فرۆشیارانی سەر شەقام و ڕۆژنامەنووسانی لێکەوتەوە. ڕەنگە ئاوڕێک لە دواوە بدەینەوە و بپرسین کە خەڵکی پاریس چۆن دەتوانن سەیری جەستەی ئاوساو و تێکچووی هاومرۆڤەکانیان بکەن و کاریگەرییان لەسەر نەبێت - @with_kazhwas