@heymisscane: Bəzən bizə yalnız xatirələr qalır. Unudulana qədər. Dünən yanımızda olan, gülüb danışdığımız insanlar, indi bir anın içində ilişib qalan kölgələrdir. Xatirələr bəzən çox amansız olur. İnsanların dəyərini hələ yanınızdaykən bilin. Gec olmadan, torpağa qarışmadan, sadəcə bir xatirəyə çevrilmədən öncə anlayın. Sonradan heç nəyin mənası olmur. Peşmanlıqlar nə xoş günləri, nə itirilmiş güvəni, nə də əvvəlki səmimiyyəti qaytara bilir. Uşaqlığım üçün darıxıram... Kaş bir yol olaydı, məni o illərə aparaydı. Sadəcə bir dəfə o küçələrdən keçmək, o evin qapısını yenidən açmaq istəyirəm. Amma bilirəm ki, içi boşdur. Əvvəlki xoş günlər məni orda gözləmir. Hamısı yavaş yavaş silinib. Zamanla biz özümüz də bir başqasının xatirəsinə çevriləcəyik. Necə yadda qalarıq görəsən? Hər kəs xoş xatırlanmaq istəyər, bəs bunu bacara bilirik? Məndən kiçik tövsiyə... Elə yaşayın ki, kiminsə: “O, elə bir insan idi ki.. daim xatirəmdə parlayacaq.” dediyi olun. Çünki biz torpağın dərin qatlarına qarışanda, geriyə sadəcə bunlar qalacaq. Heç kimin qəlbini sındıran, sevinci əlindən alan olmayın. Onsuz da bu dünya yaşamaq üçün yetərincə kədərlidir. Ona görə də, bir az anlayış, ən böyük yaxşılıqdır. Hələ ümid var bizlər üçün. Bəlkə bu gün verdiyiniz kiçik bir qərar sabah sizi unudulmaz edəcək. Bəlkə bu qərarların toplamı dünyanı bir az daha yaşanılası edəcək. Ümid etməyi və hər şeyin keçib gedəcəyini unutmadığınız bir ömür arzulayıram. Çünki yaxşı xatirə olmaq bütöv bir ömür qədər dəyərlidir. - Yazılar mənə məxsusdur. İstifadə etsəniz müəllif qeyd edin və icazə alın. - #foru #kəşfet #vibes #xatireler #virall

Vespera

Open In TikTok:

Region: AZ

Thursday 24 July 2025 15:35:33 GMT