ЖЫЛҒА АУЫЛЫНДАҒЫ СУҒА БӨЛІНГЕН 1 МИЛЛИАРД 843 МИЛЛИОН ТЕҢГЕ ҚАЙДА КЕТТІ??? Түркістан облысы, Сарыағаш ауданына қарасты Жылға ауылдық округінде ауызсу мәселесі әлі күнге дейін шешілмей келеді. Бұл – жеке бір ауылдың ғана емес, жүйелі жемқорлықтың, немқұрайлылықтың, жауапсыздықтың айнасы. “Dabylinfo.kz” ақпараттық агенттігі мен “Саясат-ақпарат” газетінің редакциясы арнайы барып, Жылға ауылының шынайы жағдайына куә болды. Ауылда су тарту жобаларына мемлекеттен 1 миллиард 843 миллион теңге бөлініп игерілген. Бірақ, қыруар қаржы ауаға ұшып кеткен. Жобаның аясында ұңғыма қазылған. Алайда олардан бір тамшы да су шықпаған. Бұл – тек инженерлік немесе геологиялық қателік емес, ХАЛЫҚТЫҢ тағдырымен ойнау. Бүгінде әр үйге әкімдік кран орнатып берген. Бірақ одан су мүлдем ақпайды. Тұрғындар шілденің аптап ыстығында жекеменшік ұңғымалардан водовозбен су сатып алып, тұрмысын әрең жалғап отыр. Бір водовозды толтыруға 1 сағат уақыт кетеді, ал күніне 30-ға жуық водовоз кезекте тұрады. Жылға ауылында тартылған жаңа су жүйесі — халықты таза ауызсумен қамтамасыз етуге емес, ауру таратуға қызмет етіп тұр. Сапасыз құбырлар тартылған. Құбырлардың іші мусорға толған. Су Ішуге мүлдем жарамайды. Жаңадан тартылған құбырмен суда келмейді. Ауылға су жеткізетін құбырдың ішінен есектің өлексесі табылған. Бұған түсірілім тобыда, ауыл тұрғандарыда куә. Жануардың денесі құбыр ішінде шіріп, сасық иіс бүкіл ауылға жайылған. Қаншама ауру сырқауды қолдан жасап отыр. Бұл – көрінбейтін, бірақ қауіпті дабыл. Халықтың наразылығы күшейіп келеді. Бірақ Сарыағаш ауданының әкімі Арман Абдуллаев та, оның орынбасары Мұрат Жандарбекұлы да халықтың жанайқайына құлақ асар емес. Қазіргі таңда Жылға ауылының халқы ауызсуға зәру, таза суға мұқтаж. Наразы тұрғындар билікке бірнеше рет шағым түсіргенімен, еш нәтиже жоқ. Ал әкімдік жауабын созып келеді. 1 миллиард 843 миллион теңге – аз ақша емес. Бұл сома ауыл халқының таза ауызсуға қол жеткізуіне жеткілікті болуға тиіс еді. Бірақ нәтиже жоқ. Су – жоқ. Суға жауапты адамда жоқ. Бөлінген миллиардтарға қазылған ұңғымалардан бір тамшы су шықпаған. Сарыағаш ауданының әкімі Арман Абдуллаев, өз қылмысын жасыру үшін, халықтың жылдар бойы пайдаланып келе жатқан жекеменшік ұңғымасының суын тартып алып, “халық сумен қамтамасыз етілді” деп есеп берген. Яғни, су шықпаған жобаның орнына бұрыннан бар суды иемденіп, өтірік “атқардық” деді. Сонда 1 миллиард 843 миллион теңге қайда, кімнің қалтасында, кім жауап береді? Халықтың денсаулығына кім жауап береді? Неге халық әлі күнге сусыз отыр? Бұл жобаны кім қабылдап алды? Аудан әкімі Арман Абдуллаевты және оның орынбасары Мұрат Жандарбекұлы Бюджет қаржысын мақсатсыз жұмсағаны үшін, жауапқа тарту керек. Халықты алдағаны үшін, Түркістан облысы әкімдігіне “халық сумен қамтылды” деп жалған есеп бергені үшін – заң алдында толық жауапқа тартылуы тиіс! ДАБЫЛ ДАБЫЛ ДАБЫЛ - @dabylinfo.kz