1-شنو الفرق بين منحة العتبة ومنحة الحكومة؟ ج- منحة العتبة هي جزء من منحة الحكومة وكل طالب يقدم ع العتبة لازم يقدم ع الحكومي الفرق بيناتهن العتبة اتفقت وي الوزارة تسوي مقابلات للطلاب وتسألهم وتحقق وياهم وتقبل اليستحقون حسب رأيهم ويدزون الأسماء للوزارة والوزارة فقط توافق عليهن وهذا الكلام يخص جامعة العميد والكفيل والتابعات للعتبة العباسية. 2- يمتى ينفتح التقديم على منحة العتبة؟ ج- التقديم عليها مامعلوم الوقت بالمضبوط بس هي بفتره الموازي ومنحه الوزاره (اذا انفتحت التقديم اني انشر بحسابي ) وتكون يوم جمعه ويبقون جمعتين او ٣ يقابلون الطلاب 4-وين صايره هاي منحة العتبة ؟ ج- العام جان التقديم بصحن الامام العباس (من قدمو الطلاب صارت هوسه كالو للطلاب الاستمارات هملناهن وقدمو مره ثانيه بجامعه الكفيل او العميد ) السنه احتمال يكون التقديم كبل بالعميد او الكفيل ( هم اكو قناه مثبتتها بالهايلات اكو طلاب متبرعين ينشرون بيها شوكت المقابلات ووين اول بااول ) 5-شلون نقدم عليها ؟ المقابلة الأولى راح تملون استماره ويأخذون رقمين لكل طالب و يتصلون على جميع الطلبة علمود مقابلة ثانية في الجامعات التابعة لهم ( العميد والكفيل ). و هناك تدخلون بوحدكم و تكعد گبالكم لجنة تتكلم وياكم و تستفسر عن كلشي وهم يسالونكم ليش تردون منحة ليش متقبلون بالي طلع الكم بالمركزي وهيج أمور يعني و بعد ما تنتهي المقابلة الثانية يكلولكم قدموا على رابط الوزارة و خلوا كذا قسم و احتمال نقبلكم بي يعني اللجنة تنطيكم تلميحات أنه راح يقبلونكم او العكس تنطيكم تلميح أنه لا تقدمون علينا . المقابله الثالثه تكون وي السيد الصافي يحجي وياكم ويخيركم بالكليات من تختارونها يكللكم قدمو عليها برابط الوزاره وهنا معناها انتَ انقبلت يمهم 100% . أما بخصوص القبولات فتطلع عادي وي قبولات منحه الوزاره بالكليه الي كالولكم قدمو عليها العتبه الشروط خليتها بالتعليقات ❤️ اي استفسار خلو بالتعليقات حته الكل يستفاد❤️ #طلاب_السادس #الشعب_الصيني_ماله_حل😂😂 #اكسبلورexplore #مالي_خلق_احط_هاشتاقات - @dr.zahraa.salam