@srina.mimi: أعتذر عن جودة التصوير و واداوت التصوير 🥹😞 (هذي أول تجربة إذا لقيت دعم رح نشاركم وصفات آخرى 😍❤️👌) المقادير : - 10 بيض - 333 غ سكر - ملعقة تع عشاء لافاني - 333غ مارغين ذائبة - 333 غ فرينة - 1 كيس خميرة الحلوى 250 غ شوكولا - 10 غ مستحلب او محسن (إذا درتوه جي شابة وجي عالية وإذا مدرتوهش جي تانيك شابة ومجيش عالية بزاف برك .........كاين فرق مي غير ملحوظ إذا كنتو تقدموها ليكم مش للبيع عادي جدا ♥️👌) الطريقة : ضربي البيض والسكر ولافاني والمستحلب على أقصى سرعة مليحح كي يبياض ويتضاعف الخلييط نقصي في السرعة .......و فرغي بلعقل هذيك المارغارين لي تكوني دوبتيها .........ممبعد بدلي الفوي وديري k ونقصي الفيتاس كاملل وفرغي الفرينة المسيرة مع الخميرة ملعقة بملعقة حتى تكملي الكمية 👌👌 كيما في الفيديو (وادا خدمتي بالباتوغ بسباتيل ودخلي مزيج الفرينة والخميرة بلعقلل متهبطيش القوام ) قسمو الخليط حوالي 490غ إلى 500غ في كل سنيوة يطيب على 180 ° حوالي 7-10 دقايق النار 🔥 ملتحت برك كي يطيبو كامل جيبي المعجون في كل طبقة ديري كمية مليحة (حسب ذوقكم انا نحب كمية مليحةة باه جي طرية وبنينة هذي الوصفة تديلي 800غ معجون 😅.....) وديري طبقة فوق طبقة حتى تكملي كلش دوبي شوكولا مع 4 ملاعق كبار تع زيت وديريها ملفوق خلي تبردددد في حرارة الغرفة وقسميها كيما تحبي معين مربع مهم شكل مرتب 👌♥️ .................وصحتينن وعافيةة شاركوني تجاربكم 🤔🥰 ملاحظة : - (في هذي الوصفة ام استعملي بيتران احسن شي ولا باتووغ يكون 450 W أقل شيء الجينواز سر نجاحها الاساسي هي السرعةة في الخفق مع الاستمرار ) - الوصفة مش تاعي لقيتها مرة جربتها عجبتني حبيت نشاركها معكم ⚡️🙏 . . . . . . لطلب أو الإستفسار مرحبا بكم ❤️🙏 #sweet#gateau#gateautraditionnel#gateauxalgeriens#traditionalsweets
