بۆچی قورئان دەخوێنین سەرەرای ئەوەی وشەیەک عەرەبی نازانین؟ موسڵمانێکی بەتەمەنی ئەمریکی هەبوو کە لەسەر کێڵگەیەک ئەژیا لەگەڵ کوڕەزا بچوکەکەی ، هەموو بەیانیەک زۆر زوو باوە گەورە هەڵدەسا و قورئانی دەخوێند، کوڕە زاکەشی ئەیویست وەک باوە گەورەی بکات و هەوڵی ئەوەی دەدا کە لاسای بکاتەوە بە هەر شێوەیەک بێت، ڕۆژێک کوڕەکە پرسیاری لە باوە گەورەی کرد و وتی: “باوە گەورە، منیش هەوڵ ئەدەم وەک تۆ قورئان بخوێنم ، بەڵام لێی تێناگەم ئەوەی کە لێی تێدەگەم زوو لەبیرم دەچێتەوە باشە خوێندنەوەی قورئان بەو جۆرە چ سوودێکی هەیە؟ باوە گەورەشی پشتی لە خەڵوزکردنە زۆپاکە هەڵکردو ڕویکردە کوڕەزاکەی و وتی: “ئەم سەبەتەی خەڵوزە بگرە و بڕۆ خوارەوە بۆ ڕووبارەکەو سەبەتەیەک ئاوم بۆ بێنە” کوڕەکەش هەر ئەوەی کرد کە باوە گەورە پێی وت بەڵام هەموو ئاوی سەبەتە ڕژایە خوارەوە پێش ئەوەی بگاتەوە ماڵ، باوە گەورەشی دەستی کردتە پێکەنین وتی: “ئەم جارە پێویستە خێراتر بجوڵێیتەوە کوڕی خۆم”ئینجا دوبارە کوڕەکەی ناردەوە بۆ ڕووبارەکە بۆ ئەوەی دووبارە هەوڵ بداتەوە. ئەم جارەیان کوڕەکە خێراتر ڕای کرد، بەڵام هەموو ئاوەکەی ڕژایەوە پێش ئەوەی بگاتەوە ماڵ، بە هەناسە بڕکێ کوڕەکە بە باوە گەورەی وت : “ناگونجێ ئاو لە سەبەتەدا بهێنرێ، ئەنجا ڕۆشت و سەتڵێکی هێنا و لەجێی دانا “ باوە گەورەش پێی وت: “کوڕم من سەتڵێک ئاوم ناوێت، سەبەتەیەک ئاوم دەوێت” باوە گەورەش ئەم جارەش پێی وت هەوڵی تەواوت نەداوە ، بۆیە باوە گەورە ڕۆشتە دەرەوە بۆ ئەوەی سەیری کوڕەزاکەی بکات و بزانێت کە چۆن هەوڵ دەدات، لەم کاتەدا کوڕەکە زانی کە ئیتر شتی وا ناگونجێ بەڵام ئەیویست پیشانی باوە گەورەی بدات کە چەند خێراتر ڕابکات کەچی ئاوەکە دەڕژێتەوە پێش ئەوەی بگاتە ماڵەوە، کوڕەکە دووبارە بە هەناسە بڕکێ هات و بە باوە گەورەی وت: “سەیرکە باوە گەورە ئەوەتا بێ سوودە “ باوە گەورەش وتی: ئەوە تۆیت بڕوات وایە بێ سوودە، نا سەیرێکی سەبەتەکە بکە و بزانە هیچ گۆڕاوە؟ کوڕەکەش سەیرێکی کرد و بۆ یەکەم جار زانی سەبەتەکە جیاوازە، چونکە سەبەتەکە لە ناوەوە و لە دەرەوەی گۆڕاوە لە سەبەتەیەکی پیسی خەڵوزاوی بۆ سەبەتەیەکی پاک و بێ گەرد. باوە گەورە وتی: ئا ئەوەیە کە ڕوودەدات کاتێ کە قورئان دەخوێنی، ڕەنگە لێی تێنەگەیت یان زوو بیرت بچێتەوە، بەڵام کاتێ دەیخوێنیت دەگۆڕێیت لە ناوەوە و لە دەرەوە، ئەوە کاری خودایە لە ژیانماندا دەیکات. پێغەمبەر( سەلامی خوای لێ بێت) دەفەرموێت:” ئەو کەسەی ڕێنمای خەڵکی دەکات بۆ کاری چاکە، ئەوە بە یەکسانی هەمان پاداشتی ئەو کەسەی هەیە کە کارە باشەکە ئەنجام دەدات”.#soran #kurdistan #imravo✅ #foryou #fyyyyyyyyyyyyyyyy #allah #islam - @wanawsha_008