@3fbf: ماعشقت إلا الذي ماعلى حلياه سوم الخطر من دون وصله وظرفه من وراه غاب وغيابه برى الحال وأصبحت محروم ويش أسوي في غيابه وهو عذره معاه أتضايق كل مامر في بالي وأقوم ضيقةٍ من حر فرقاه واقفاية اخطاه لي سنة ياسالم الملعبي ما مر يوم ماذكرته وابتدا حزن والخافق دعاه ليت ماله في سماء القلب ياسالم نجوم كان قلبي للجماهير مابيح خفاه أحسب أن العشق فترة فراغ ولا يدوم مادريت أنه يغير مفاهيم الحياة ساقني للموت سوق الهبايب للغيوم لين خلا الناس تنشد محمد وش بلاه مذنبٍ في حق نفسي ولا إني بمعصوم منتظر والهجر عيا ينسيني غلاه كل ماقالوا لي أنه نسى قلت محشوم ذاك والله لو نسى أسمه غرامي مانساه يتوارى عن عيون البشر لانه كتوم والا انا لولا الحياء كان جيته في حماه ادري انه يسمع الشعر وتجيه العلوم ويدري انه من نصيبه قراه أو ماقراه ياحبيبي مابقى ألا تضيق ابي الهدوم وانت عارف من حبيبك وعارف مستواه لا تغربلني وانا من وسيعين الكموم ولا تخلي وقتي الشين يرفع لي عصاه كان عينك ترقد الليل عيني ماتنوم لين يذن مذن الفجر وتقام الصلاة كل يوم أقول ترجع وتغريك الرسوم وانت مدري عند ظني معك والا وراه #f #foryou #explore #شعر #محمد_مريبد
