@euronews.al: Avokati i policit të përfshirë në incidentin në Vlorë: Pamjet janë të cungura, Ardiani nuk e ka goditur kamarierin Avokati Kujtim Cakrani, që mbron efektivin e policisë Ardian Isufi, i përfshirë në incidentin e ndodhur në një njësi hoteliere në Vlorë, reagoi sot në një konferencë për mediat, ku hodhi poshtë akuzat se klienti i tij ka ushtruar dhunë fizike ndaj një kamarieri. Sipas Cakranit, Isufi nuk e ka goditur kamarierin, por vetëm e ka shtyrë atë gjatë një momenti tensioni. Ai e cilësoi këtë veprim si të dënueshëm në aspektin etik dhe moral, por mohoi që të ketë pasur dhunë fizike nga ana e efektivit të policisë. “Klienti im nuk mund të bëhet mish për top për të kënaqur një opinion publik që kërkon ndëshkim të ashpër para se të ketë një hetim të plotë,” – deklaroi Cakrani. Ai ngriti gjithashtu pretendimin se pamjet që janë bërë publike janë të cungura dhe nuk tregojnë të gjithë dinamikën e ngjarjes. Sipas tij, pas shtyrjes së kamarierit ka pasuar një konflikt i dhunshëm ku rreth 15 persona kanë ushtruar dhunë ndaj efektivit të policisë, përfshirë edhe pronarin e lokalit. I pyetur për veprimin e mikut të policit, i cili shihet në pamje duke dhunuar kamarierin, Cakrani pranoi se klienti i tij ka përgjegjësi morale për mosndërhyrjen, por këmbënguli se ai vetë nuk ka ushtruar dhunë. “Edhe dhuna ndaj efektivit të policisë duhet të dënohet. Nuk mund t’i përgjigjemi dhunës me dhunë, aq më tepër kur nuk ka pasur kushte të vetëmbrojtjes,” – theksoi avokati. Sa i përket pretendimeve se ka qenë vetë Isufi që ka goditur pronarin e hotelit, Cakrani tha: “Edhe nëse ky version rezulton i vërtetë, pronari nuk kishte të drejtë të reagonte fizikisht. Duhej të njoftonte policinë, jo të merrej me gjyq e ndëshkim me dorën e tij.” #fyp #fyy #viral #viralvideos #euronewsalbania #viraltiktok #fy #viral_video

euronews_al

Open In TikTok:

Region: AL

Monday 28 July 2025 11:10:48 GMT