@hodny_keks: Бісквітны рулет Спатрэбіцца для бісквіта: 4 яйкі с1 220 гр цукру 220 гр мукі Прыгатаванне: Яйкі з цукрам узбіць да пабялення і павелічэння масы +/- у 8 разоў. Усыпаць муку і акуратна, але ўпэўнена размяшаць. Цеста выліць на бляху, засцеленую сіліканізаваным пергаментам, і разраўняць. Адразу ж адправіць у разагрэтую да 200 ‘С духоўку на 9-10 хв. Гатовы бісквіт накрыць пергаментам, наверх пакласці рашотку і перавярнуць бляху. Бляху прыбраць, а бісквіт пакінуць на рашотцы астываць. Для крэму спатрэбіцца: 300 гр тварожнага сыра 80 мл вяршкоў 33% 100 гр малочнага шакаладу (100 гр цёмнага шакаладу і 50 гр цукровай пудры). Шакалад растапіць. Узбіць міксерам усе інгрэдыенты. Збіраем рулет. З бісквіту зняць пергамент. Нанесці крэм, разраўняць і скруціць рулет. Гатовы рулет можна аздобіць цукровай пудрай ці растопленым шакаладам. Рулет адправіць у халадзільнік на некалькі гадзін ці ноч. Смачна есці! Заўвагі: Гатовы бісквіт атрымліваецца вельмі мяккі і эластычны. Калі ж ён ламаецца ці трэскаецца, значыць час выпечкі задоўгі і ён падсох у духоўцы. Наступны раз выпякаць можна на 1 хвіліну менш. Перад нанясеннем крэму бісквіт можна прапітаць, калі любіце мокранькае:) Напрыклад, праварыць 1 хв 50 мл вады і 20 гр цукру. Астудзіць і, па жаданні, дадаць трохі каньячну. Ці лімоннага сока. Што больш падабаецца:) Замест крэму можна выкарыстоўваць яблычнаеці любое іншае павідла, вараную згушчонку, шакаладную пасту і інш. Цеста можна замешваць і меншую колькасць. На 1 яйка трэба браць 55 гр цукру і 55 гр мукі. #смачнаесці #рэцэпт #белтыкток

hodny_keks

Open In TikTok:

Region: BY

Monday 28 July 2025 15:19:43 GMT