@aalhamad977: ٧ أشياء عشتها بالسفر لحالي: 📍كثير أحيان بتحس بالوحده، وفعلاً تكون لحالك، بس فجأة تكتشف إنك مو الوحيد. تقابل ناس ما كنت تتخيل إنك ترتاح لهم، وتطلع منهم بقصص، ونصايح، وحتى صداقات تمشي معك بعد ما ترجع. 📍هي تجربة لازم تسويها على الاقل مره في حياتك يا انك بتدمن الموضوع او بتمره الساعة اللي فكرت تسويها. بس الاكيد انك لازم اجربها علشان تعرف. 📍لما تكون لحالك، كل قرار تأخذه انت المسؤول عنه، مافي أحد يصفق لك إذا سويت شي حلو ومافي أحد يوقفك لو غلط. أنت تسوي الشي لأنك تبغاه فعلاً، لأن مخك هو الوحيد اللي يتحكم بيومك. تصحى متى تبي، تمشي وين تبي، وتوقف وقت ما تحس مو علشان أحد، بس لأنك صادق مع نفسك. و هذا الشي يبين لك خطوطك الحمرا في تعاملاتك مع نفسك و مع الناس و حتى مع ربك. 📍طول ما الناس حولك، تقدر تهرب من أفكارك، لكن أول ما تسافر لحالك، ما في مهرب. تبدأ تطلع أشياء ما عطيتها وجه من زمان، تواجهها، تفهمها، وتتصالح مع نفسك فيها حبه حبه. 📍الأشياء البسيطة يصير لها طعم ثاني، قهوة على الرصيف، نسمة هوا، أغنية تسمعها بالصدفة، مشهد يخليك توقف بدون سبب. 📍تكتشف إنك تقدر تسوي أشياء ما كنت تعرف انك تقدر عليها.تحجز، تتصرف، تسوق، تضيع وتلقى الطريق، تتعامل مع مصايب تصير لك، وتفاجئ نفسك بقوتك كل يوم، بدون ما تنتبه. 📍وفي النهاية ترجع مختلف مو لأنك غيرت شكلك أو مسارك، بس لأنك قربت من نفسك أكثر و عرفت انت وش تقدر تسوي #travel #traveltok #solotravel #adventure #experince #Lifestyle #مغامرات #تجارب #سفر #نمط_حياة

Abdullah Alhamad

Open In TikTok:

Region: SA

Tuesday 29 July 2025 06:21:23 GMT